S ,7 à 8 RSCA (si SASPAS) et 6 cialis pharmacie cialis rapports de stage.

జాతీయ వార్తలు

01/10/2020 - 13:05

న్యూఢిల్లీ: ఉక్రెయిన్ విమానం బుధవారంనాడు కూలిన సంఘటనపై పలు అగ్రరాజ్యాలు ఆనుమానాలు వ్యక్తంచేస్తున్నాయి. ఉక్రెయిన్‌కు చెందిన 737 బోయింగ్ విమానాన్ని ఇరాన్‌కు చెందిన క్షిపణి ఢీకొని ఉంటుందని అందువల్లే అది కూలిందని అనుమానిస్తున్నారు. దీనికి సంబంధించిన ఓ వీడియో ఒకటి బయటకు వచ్చింది. ఒకదానికొకటి ఢీకొన్న తర్వాతే విమానం కుప్పకూలినట్లు వీడియోలో కనిపిస్తుంది. ఇప్పుడు ఆ వీడియో సోషల్‌ మీడియాలో వైరల్‌ అయింది.

01/10/2020 - 13:03

న్యూఢిల్లీ: జేఏన్‌యూలో ఇటీవల చోటుచేసుకున్న హింసాత్మక సంఘటనలపై కేంద్ర మానవ వనరుల శాఖ మంత్రిత్వ శాఖ సమన్లు జారీ చేసింది. వర్శిటీ వీసీ జగదీశ్ కుమార్ హెచ్‌ఆర్డీ సెక్రటరీతో సమావేశం అవ్వాలని ఆదేశించింది. జేఎన్‌యూ వైస్ చాన్సలర్ రాజీనామా చేయాలని డిమాండ్ చేస్తూ పెద్ద ఎత్తున ఆందోళనలు జరుగుతున్నాయి. ఈ మేరకు హెచ్‌ఆర్డీకి వినతిపత్రాలు సైతం సమర్పించారు. కాని హెచ్‌ఆర్డీ ఈ డిమాండ్‌ను తోసిపుచ్చింది.

01/10/2020 - 06:09

న్యూఢిల్లీ: దేశ రాజధాని ఢిల్లీలోని జవహర్ లాల్ నెహ్రూ విశ్వవిద్యాలయం(జేఎన్‌యూ)లో ఇటీవల అల్లర్లకు నైతిక బాధ్యత వహిస్తూ వైస్ చాన్సరల్ రాజీనామా చేయాలని డిమాండ్ చేస్తూ వందలాది మంది ప్రదర్శన చేశారు. మండీ హౌస్ నుంచి మానవ వనరుల మంత్రిత్వశాఖ కార్యాలయం వరకూ గురువారం విద్యార్థులు, ప్రజా సంఘాల కార్యకర్తలు భారీ ర్యాలీ నిర్వహించారు.

01/10/2020 - 06:05

న్యూఢిల్లీ,జనవరి 9: ప్రధాన మంత్రి నరేంద్ర మోదీ ప్రభుత్వం ఫిబ్రవరి ఒకటో తేదీన ప్రజానుకూల బడ్జెట్‌ను ప్రతిపాదిస్తుందనే ఆశాభావాన్ని బిజెపి సీనియర్ నాయకులు వ్యక్తం చేశారు. ఆర్థిక శాఖ మంత్రి నిర్మలా సీతారామన్ గురువారం బిజెపి కేంద్ర కార్యాలయానికి వెళ్లి పార్టీ సీనియర్ నాయకులతో బడ్జెట్ ముందస్తు చర్చలు జరిపారు.

01/10/2020 - 06:04

ఇండోర్, జనవరి 9: ఈ సంవత్సరం ఖగోళ శాస్తజ్ఞ్రులు, ఔత్సాహికులు ఆరు గ్రహణాలను వీక్షించనున్నారు. అయితే, వీటిలో మూడు మాత్రమే భారత్‌లో చూడడానికి వీలుంటుంది. ఆరు గ్రహణాల్లో నాలుగు చంద్ర గ్రహణాలు కాగా, రెండు సూర్య గ్రహణాలు ఉంటాయని ఉజ్జయినిలోని జివాజి పరిశోధనా స్థానం సూపరింటెండెంట్ డాక్టర్ రాజేంద్ర ప్రకాష్ గుప్త్ గురువారం ఇక్కడ తెలియజేశారు.

01/10/2020 - 06:03

న్యూఢిల్లీ, జనవరి 9: జమ్మూ కాశ్మీర్‌కు విదేశీ రాయబారులను తీసుకువెళుతున్న ప్రధాని నరేంద్ర మోదీ ప్రభుత్వం మన ఎంపీలు, ఆయా పార్టీల నాయకులను ఎందుకు అనుమతించటం లేదని కాంగ్రెస్ సీనియర్ నాయకుడు, రాజ్యసభ సభ్యుడు జయరాం రమేష్ నిలదీశారు.

01/10/2020 - 01:17

న్యూఢిల్లీ, జనవరి 9: ఏరో స్పేస్, రక్షణ రంగాలకు సంబంధించి తెలంగాణలో భారీ పెట్టుబడులు పెట్టేందుకు అవకాశాలున్నాయని రాష్ట్ర ఐటి శాఖ మంత్రి కె.టి.రామారావు తెలిపారు. గురువారం వింగ్స్ ఇండియా-2020 సన్నాహక సమావేశంలో ప్రసంగించిన ఆయన తెలంగాణకు ఏయిరో స్పేస్, రక్షణ రంగాలు ప్రాధాన్యతా రంగాలని ప్రకటించారు.

01/09/2020 - 23:34

హైదరాబాద్, జనవరి 9: జమిలి ఎన్నికలు దేశానికి మేలు చేస్తాయని, అన్ని రాజకీయ పార్టీలూ అందుకు కలిసి రావాలని ఉప రాష్ట్రపతి ఎం వెంకయ్యనాయుడు పేర్కొన్నారు.

01/09/2020 - 23:31

హైదరాబాద్, జనవరి 9: దేశంలో ఎన్నికల్లో ధన ప్రవాహాన్ని అడ్డుకునేందుకు మరింత కఠిన చట్టాలు రావల్సి ఉందని , ప్రజలే చొరవ తీసుకుని ధనప్రవాహాన్ని అడ్డుకోవాలని ఉప రాష్ట్రపతి ఎం వెంకయ్యనాయుడు పేర్కొన్నారు. ఫౌండేషన్ ఫర్ డెముక్రటిక్ రిఫార్మ్స్, భారత్ ఇనిస్టిట్యూట్ ఆఫ్ పబ్లిక్ పాలసీ , యూనివర్శిటీ ఆఫ్ హైదరాబాద్ సంస్థలు ‘రాజకీయాల్లో ధనప్రభావం’ అంశంపై నిర్వహించిన సదస్సులో ఉప రాష్ట్రపతి మాట్లాడారు.

01/09/2020 - 23:25

బళ్ళారి, జనవరి 9: విజయనగర రాజుల వైభవాన్ని చాటే హంపీ ఉత్సవాలు రెండు రోజుల పాటు జరుగనున్నాయి. శుక్ర, శనివారం జరిగే ఈ ఉత్సవాలకు విస్తృత ఏర్పాట్లు చేశారు. రాష్ట్రం నలుమూలల నుంచే గాక దేశ విదేశాల నుంచి పర్యాటకులు భారీగా తరలిరానున్నారు. ఇందుకోసం రాష్ట్ర ప్రభుత్వం విస్తృత ఏర్పాట్లు చేసింది. కన్నడ సాంస్కృతిక, ప్రవాసోద్యమశాఖ, జిల్లా పాలన యంత్రాంగం సంయుక్తంగా ఈ ఉత్సవాలు నిర్వహిస్తున్నాయి.

Pages