కాకినాడ, జనవరి 15: కాకినాడ బీచ్ ఫెస్టివల్-2017 వాకలపూడి ఎన్టీఆర్ తీరంలో ఆదివారం రాత్రి ముగిసింది. కాకినాడ-ఉప్పాడ తీర మార్గం వెంబడి, హరిత రిసార్ట్స్, వాకలపూడి రోడ్డు తదితర ప్రాంతాల్లో పొద్దుపోయినా పర్యాటకుల హడావుడి కనిపించింది. సాగర తీరంలో సాంస్కృతిక సంబరాన్ని ప్రజలు తిలకించి ఆనందించారు. ఈనెల 12 నుండి ఆదివారం రాత్రి వరకు ఎన్టీఆర్ సాగర తీరంలో వివిధ కార్యక్రమాలను నిర్వహించారు.

విజయనగరం(టౌన్), జనవరి 15: వెనుకబడిన విజయనగరం జిల్లాలో పేదలకు డయాలసిస్ యూనిట్ ద్వారా మెరుగైన వైద్య సేవలు అందుతున్నాయి. ఎన్టీఆర్ ఆరోగ్యశ్రీ కింద పేద మధ్యతరగతి వర్గాల ప్రజలు ఈవైద్య సేవలు వినియోగించుకుంటున్నారు. జిల్లా కేంద్ర ఆసుపత్రిలో దాదాపు మూడేళ్ల కిందట ప్రారంభించిన ఈ యూనిట్ ద్వారా నిత్యం పదుల సంఖ్యలో రోగులకు డయాలసిస్ వైద్య సేవలు అందిస్తున్నారు.

పోలవరం, జనవరి 15: పోలవరం ప్రాజెక్టు 2018 నాటికి పూర్తిచేయడం ద్వారా ముఖ్యమంత్రి ప్రజల గుండెల్లో నిలిచిపోతారని అనంతపురం ఎంపి జెసి దివాకర్‌రెడ్డి అన్నారు. ఆదివారం ఉదయం పోలవరం వచ్చిన పట్టిసం ఎత్తిపోతల పథకాన్ని, పోలవరం ప్రాజెక్టు నిర్మాణ ప్రాంతాన్ని పరిశీలించారు. ఈ సందర్భంగా ఆయన విలేఖర్లతో మాట్లాడుతూ ప్రాజెక్టు వేగంగా పూర్తిచేసినందుకు ముఖ్యమంత్రి కృషి చేస్తున్నారన్నారు.

ఏలూరు, జనవరి 15: మొత్తం సంక్రాంతి సీజన్‌లో కోడిపందాలకు సంబంధించి రూపాయి పందెం కాయకుండానే భారీగా సంపాదించినవారు ఉన్నారంటే ఆశ్చర్యం కాదు. వీరికి గెలుపోటములతో సంబంధం లేదు. పందెం జరిగితే చాలు డబ్బు వచ్చి పడుతుంది. ఈరకంగా 75వేల నుంచి రెండులక్షల వరకు సంపాదించిన వారెవరా అని అశ్చర్యపోనక్కర్లేదు. వీరంతా పందెం నిర్వహించేందుకు స్ధలాలు ఇచ్చినవారు.