కాచిగూడ, సెప్టెంబర్ 26: నగరంలో ఐలమ్మ భవన్ ఏర్పాటుకు కృషి చేస్తానని రాష్ట్ర గిరిజన శాఖమంత్రి చందూలాల్ అన్నారు. తెలంగాణ రాష్ట్ర రజక సంఘాల ఆధ్వర్యంలో చాకలి ఐలమ్మ జయంతి సభ సోమవారం బాగ్‌లింగంపల్లి సుందరయ్య విజ్ఞాన కేంద్రంలో నిర్వహించారు. కార్యక్రమానికి ముఖ్యఅతిథిగా విచ్చేసిన మంత్రి చందూలాల్ మాట్లాడుతూ భూమి, భూక్తి కోసం పోరాడిన వీరనారి చాకలి ఐలమ్మ అని కొనియాడారు.

కరీంనగర్, సెప్టెంబర్ 26: భారీ వర్షాలు, వరదల వల్ల తలెత్తిన పరిస్థితులను సమర్థవంతంగా ఎదుర్కొంటూనే, ఈ అనుభవాలతో భవిష్యత్‌లో అనర్థాలు జరుగకుండా చూడాలని రాష్ట్ర ముఖ్యమంత్రి కల్వకుంట్ల చంద్రశేఖర్‌రావు అధికారులకు సూచించారు. వరద ప్రాంతాలలో పర్యటించేందుకు జిల్లాకు వచ్చిన సిఎం సోమవారం కలెక్టరేట్ సమావేశ మందిరంలో అధికారులతో సమీక్ష నిర్వహించారు.

హైదరాబాద్, సెప్టెంబర్ 26: మహానగరాన్ని కుదిపేసిన తర్వాత ఇపుడిపుడే జనజీవనం కొలుకుంటుంది. వర్షాలు తగ్గటం, భారీ వర్షాల కారణంగా ప్రభుత్వం ప్రకటించిన సెలవులు ముగియటంతో జనజీవనం క్రమంగా గాడిన పడుతోంది. తరచూ భారీవర్షాల కారణంగా శివార్లలోని నిజాంపేట, హకీంపేట, అల్వాల్ ప్రాంతాలు నీట మునగగా, వీటిలో నిజాంపేట, మహేశ్వరినగర్‌లు సోమవారం కూడా నీటిలోనే ఉన్నాయి.

గద్వాల, సెప్టెంబర్ 26: దేశ విదేశాల్లో ఎంతో పేరు ప్రఖ్యాతలు సంపాదించిన మహబూబ్‌నగర్ జిల్లా గద్వాల చీరకు, నేతన్నకు పూర్వవైభవం తెచ్చేందుకు కృషి చేస్తామని టెక్స్‌టైల్ కమిషనర్ కవితగుప్తా, కార్యదర్శి రేష్మివర్మ, డెవలప్‌మెంట్ కమిషనర్ అలోక్‌కుమార్ బృందం తెలిపింది. సోమవారం గద్వాల పట్టణంలోని రాఘవేంద్రకాలనీలో చేనేత కార్మికులతో వారు సమావేశమయ్యారు.