సిద్దిపేట, సెప్టెంబర్ 22 : సిద్దిపేట మున్సిపాల్టీలోవిలీనమైన ఆరు గ్రామాల్లో క్షేత్ర స్థాయిలో ప్రజల స్థితిగతులను పరిశీలించిన తర్వాత పన్ను పెంపుపై నిర్ణయం తీసుకుంటామని మున్సిపల్ చైర్మన్ రాజనర్సు అన్నారు. గురువా రం విలీన గ్రామాల్లో పన్నుపెంపుపై వేసిన ప్రత్యేక కమిటీతో సమావేశమైనారు.

తొగుట, సెప్టెంబర్ 22: మల్లన్నసాగర్‌కు వ్యతిరేకంగా మండలంలోని వేములఘాట్‌లో చేపట్టిన రిలేదీక్షలు గురువారానికి 110వ రోజుకు చేరింది. ఈ దీక్షల్లో గ్రామానికి చెందిన మద్దూరి రాంరెడ్డి, కె. సత్యనారాయణ, కుమ్మరి బాలమల్లు, దువ్వల ఎల్లయ్య, ఆకుల సతీష్ కూర్చున్నారు. వీరికి గ్రామస్తులు సంఘీభావం తెలిపారు. ప్రజల ఆకాంక్ష నెరవేరదాకా ఆందోళన చేస్తామన్నారు.

సిద్దిపేట, సెప్టెంబర్ 22: నంగునూరు మండలాన్ని జిల్లా పునర్విభజనలో హుస్నాబాద్ డివిజన్‌లో కలుపవద్దని అఖిల పక్షం నేతలు సిద్దిపేట ఆర్డీఓ ముత్యంరెడ్డికి వినతిపత్రం అందించారు. ఈ సందర్భంగా ఆయన మాట్లాడుతూ నంగునూరు మండలానికి సిద్దిపేటతో ఎన్నో ఏండ్లుగా అనుబంధం ఉందని, విద్యా, వ్యాపార, వైధ్య తదితర విషయాల్లో మండల వాసులు సిద్దిపేటపైనే ఆధారపడ్డారని తెలిపారు.

మహబూబ్‌నగర్, సెప్టెంబర్ 22: జిల్లాలో భారీ నుండి అతిబారీ వర్సం వివిధ మండలాల్లో కురిసింది. గత రెండు రోజులుగా కురుస్తున్న వర్షాలతో జిల్లాలో చెరువులు, కుంటలు నిండి ఆలుగులు పారుతున్నాయి. కొన్ని మండలాల్లో అతిభారీ వర్షం కురియడంతో చెరువులకు, కుంటలకు గండ్లు పడ్డాయి. వర్షం నీరు వృధాగా పోతుండడంతో పలు గ్రామాల ప్రజలు నీటిని ఆపుకునేందుకు ప్రయత్నాలు మొదలుపెట్టారు.