ఝార్ఖండ్‌ : రామ్‌గఢ్‌ జిల్లాలో పోలీసులు, స్థానికులకు మధ్య మంగళవారం జరిగిన ఘర్షణల్లో ఇద్దరు మృతిచెందారు. 70 మందికి పైగా గాయపడ్డారు. గోలాలోని పవర్‌ ప్లాంట్‌లో ఉద్యోగాలు తిరిగి ఇవ్వాలంటూ గ్రామస్థులుఎదుట ఆందోళన చేపట్టారు. ఓ వర్గం గ్రామస్థులు ప్లాంట్‌ యాజమాన్యంతో చర్చలు జరుపుతుండగా, మరో వర్గం వారు అల్లర్లకు పాల్పడ్డారు. ఆందోళనకారుల దాడిలో పలువురు పోలీసులు గాయపడ్డారు.

గుంటూరు (కొత్తపేట), ఆగస్టు 29: తెలుగుభాష నిర్ధిష్టత, సమగ్రత, హేతుబద్ధతకు కృషిచేసిన గిడుగు రామ్మూర్తి పంతులు తొలి ఆధునికభాషా శాస్తవ్రేత్తగా అవగాహన సంస్థ కార్యదర్శి కొండా శివరామిరెడ్డి అభివర్ణించారు. సోమవారం గిడుగు రామ్మూర్తి జయంతిసభ అవగాహనా సంస్థ కార్యాలయంలో జరిగింది.

విజయపూరి సౌత్, ఆగస్టు 29: ఎదురెదురుగా వస్తున్న కారు - ఆటో ఢీకొన్న సంఘటనలో 9 మందికి తీవ్రగాయాలపాలైన సంఘటన సోమవారం చాలపల్లి గ్రామ సమీపంలో చోటుచేసుకుంది. వివరాల్లోకి వెళితే మాచర్ల నుండి సాగర్ వైపు కారు వెళుతుండగా సాగర్ వైపు నుండి మాచర్ల వైపు ప్రయాణికులతో ఆటో బయలుదేరింది. చాలపల్లి సమీపంలో ఎదురెదురుగా వచ్చి కారు - ఆటో ఢీకొనటంతో 9 మందికి గాయాలయ్యాయి.

గుంటూరు, ఆగస్టు 29: జిల్లాను విషజ్వరాలు వణికిస్తున్న నేపథ్యంలో ఈ వ్యాధులపై అన్ని ప్రాంతాల్లో ప్రజలకు అవగాహనా సదస్సులు నిర్వహించి వ్యాధి నిర్మూలన చర్యలు చేపట్టాలని గుంటూరు పశ్చిమ నియోజకవర్గం ఎమ్మెల్యే మోదుగుల వేణుగోపాలరెడ్డి వైద్యాధికారులకు సూచించారు. సోమవారం ఎమ్మెల్యే మోదుగుల గుంటూరు ప్రభుత్వాసుపత్రిని సందర్శించారు.