S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్/గజ్వెల్, ఆగస్టు 6: తెలంగాణలో ప్రధాని మోదీ పర్యటనకు భారీ భద్రతా ఏర్పాట్లు చేశారు. 4 వేల మంది పోలీసులతో మూడంచెల భద్రతను ఏర్పాటు చేశారు. గజ్వేల్‌లో ఇద్దరు ఐజిలు, ఇద్దరు డిఐజీలు, నలుగురు ఎస్పీలతో విస్తృత బందోబస్తు ఏర్పాటు చేశామని డిజిపి అనురాగ్ శర్మ తెలిపారు.
హైదరాబాద్, ఆగస్టు 6: తెలంగాణ బిజెపి శాఖ నిర్వహిస్తున్న మహా సమ్మేళనానికి ఘనంగా ఏర్పాట్లు జరిగాయి. ప్రధానిగా బాధ్యతలు చేపట్టిన తర్వాత నరేంద్ర మోదీ ఆదివారం మధ్యాహ్నం తొలిసారి తెలంగాణలో అడుగు పెడుతుండటంతో బిజెపి నాయకులు, శ్రేణుల్లో ఉత్సాహం వెల్లివిరుస్తోంది.
హైదరాబాద్, ఆగస్టు 6: ఆంధ్ర, తెలంగాణ రాష్ట్రాల మధ్య ఏపి పునర్విభజన చట్టంలోని 9వ షెడ్యూల్ పరిధిలోని సంస్థల ఉద్యోగుల విభజనకు రంగం సిద్ధమైంది. ఈ షెడ్యూల్ పరిధిలో ఆర్టీసి, పాడిపరిశ్రమాభివృద్ధి సంస్థ, ట్రాన్స్‌కో, జెన్కో తదితర కీలకమైన సంస్థలు ఉన్నాయి. వీటి ఉద్యోగుల విభజనపై ఇంతవరకు రెండు రాష్ట్రప్రభుత్వాల మధ్య ఏకాభిప్రాయం కుదరలేదు.
హైదరాబాద్, ఆగస్టు 6: పంద్రాగస్టు నేపథ్యంలో ఉగ్రవాదుల నుంచి ముప్పు పొంచి ఉండటం వల్ల శంషాబాద్ విమానాశ్రయంలో హై అలర్ట్ ప్రకటించారు. ఇంటెలిజెన్స్ వర్గాల హెచ్చరికల నేపథ్యంలో అధికారులు శనివారం హై అలర్ట్ ప్రకటించారు. ఈ నెల 25 వరకు సందర్శకుల పాసుల జారీని నిలిపివేశారు. ఉగ్రదాడులు జరగొచ్చని కేంద్ర నిఘా సంస్థల నుంచి అందిన సమాచారం మేరకు ఎయిర్‌పోర్ట్‌లో మూడంచెల భద్రత ఏర్పాటు చేశారు.
కర్నూలు, ఆగస్టు 6: కర్నూలు జిల్లాలోని సప్తనదీ సంగమేశ్వరుడు జలాధివాసంలోకి వెళ్లిపోయారు. గత ఎనిమిది నెలలుగా భక్తుల పూజలతో కళకళలాడిన ఆలయం శనివారం కృష్ణాజలాల్లో మునిగిపోయింది. శ్రీశైలం జలాశయం నీటిమట్టం 840 అడుగులకు చేరుకోగానే ఆలయంలోకి నీరు ప్రవేశించింది. శనివారం ఉదయానికి ఆలయం మొత్తం నీట మునిగి శిఖరం మాత్రమే దర్శనమిస్తోంది. మరో 10 అడుగుల మేర నీటిమట్టం పెరిగితే శిఖరం కూడా మునిగిపోతుంది.
హైదరాబాద్, ఆగస్టు 6: మిషన్ భగీరథ ప్రాజెక్టుతో తెలంగాణ రాష్ట్రంలో ఇంటింటికీ రక్షిత మంచినీటితో పాటు ఇంటర్నెట్‌ను కూడా అందించనున్నట్లు రాష్ట్ర ఐటి మంత్రి కె.తారక రామారావు ఇస్రో చైర్మన్ కిరణ్ కుమార్‌కు తెలిపారు. శనివారం హైదరాబాద్‌లో జరిగిన ఒక సమావేశంలో మంత్రి కెటిఆర్ రాష్ట్ర ప్రభుత్వం చేపట్టిన పలు పథకాల గురించి ఇస్రో చైర్మన్‌కు వివరించారు.
హైదరాబాద్, ఆగస్టు 6: ప్రధాన మంత్రి నరేంద్ర మోదీ ఆదివారం
తెలంగాణలో జరుపనున్న పర్యటన వివరాలు ఇవే.
* మధ్యాహ్నం 2.20కి బేగంపేట విమానాశ్రయానికి చేరుకుంటారు.
గవర్నర్, ముఖ్యమంత్రి స్వాగతం పలుకుతారు.
* 2.25కు హెలికాఫ్టర్‌లో బేగం పేట నుంచి గజ్వేల్‌కు
* 3.01కి ‘మిషన్ భగీరథ’ పైలాన్ ఆవిష్కరణ
* 3.03 గ్రామాలకు నీటి సరఫరా పంపు ప్రారంభం
చార్మినార్/హైదరాబాద్, ఆగస్టు 6: ఎస్సీ రిజర్వేషన్ల వర్గీకరణ సమంజసమేనని తెలంగాణ పొలిటికల్ జెఎసి చైర్మన్ ప్రొ.కోదండరాం అభిప్రాయపడ్డారు. దీనిపై నిర్ణయం తీసుకోవల్సింది కేంద్ర ప్రభుత్వమేనని, ఇందుకు సంపూర్ణ మద్దతు ఇస్తున్నానని ఆయన స్పష్టం చేశారు.
హైదరాబాద్, ఆగస్టు 6: ఈ నెల 12వ తేదీ నుంచి 23వ తేదీ వరకు జరిగే కృష్ణా పుష్కరాలకు వెళ్లేందుకు వీలు లేని వారి కోసం ఆడ్రోబ్.ఇన్ అనే ఇ కామర్స్ సంస్థ వినూత్న ప్రయోగానికి పూనుకుంది. కృష్ణా జలాలను సేకరించి శుద్ధిచేసి వాటిని ఒక లీటర్ బాటిల్‌లో నింపి, హోం డెలివరీ చేయనున్నట్టు ఆ సంస్థ ప్రకటించింది. దీనికి కృష్ణా జల్ అని నామకరణం చేసింది.
హైదరాబాద్, ఆగస్టు 6: మెడికల్, డెంటల్ కాలేజీల్లో ప్రవేశానికి ఎమ్సెట్ -3ని సెప్టెంబర్ 11న నిర్వహించనున్నట్టు ఉన్నత విద్యామండలి చైర్మన్ ప్రొఫెసర్ టి పాపిరెడ్డి వెల్లడించారు. జెఎన్‌టియు విసి ఎ వేణుగోపాల్‌రెడ్డి, కన్వీనర్, జెఎన్‌టియు హెచ్ రెక్టార్ ఎన్ యాదయ్య, కో-కన్వీనర్ ఎ గోవర్ధన్, కమిటీ సభ్యులతో చైర్మన్ పాపిరెడ్డి సమావేశమై ఎమ్సెట్-3 నిర్వహణను సమీక్షించారు.