వాషింగ్టన్, జనవరి 14: భారత్‌లో ఆధార్ కార్డులను ప్రవేశపెట్టడాన్ని, వాటివల్ల వస్తున్న సత్ఫలితాలను ప్రపంచ బ్యాంకు ప్రశంసించింది. ఆధార్ కార్డులను ప్రవేశపెట్టడం వల్ల దేశంలో అవినీతి తగ్గిందని, ఫలితంగా భారత ప్రభుత్వానికి ఏటా సుమారు ఒక బిలియన్ డాలర్లు (రూ.650 కోట్లు) ఆదా అవుతోందని ప్రపంచ బ్యాంకు వెల్లడించింది.

హైదరాబాద్, జనవరి 14: తెలంగాణకు గానీ, హైదరాబాద్‌కు గానీ ప్రధాని మోదీ ఒరగబెట్టింది ఏమిలేదనీ, అలాంటప్పుడు జిహెచ్‌ఎంసి ఎన్నికల్లో ఆ పార్టీ ఏ ముఖం పెట్టుకుని ఓట్లు అడుగుతుందని పంచాయతీరాజ్, ఐటీశాఖ మంత్రి కె తారకరామారావుప్రశ్నించారు. తెలంగాణ సంగతి అటుంచి కనీసం హైదరాబాద్ నగరానికి మోదీ ఏం చేశారో చెప్పాలని బిజెపి నేతలను మంత్రి నిలదీశారు.

అలహాబాద్, జనవరి 14: హిందువులకు ఎంతో పవిత్రమైన మకరసంక్రాంతి సందర్భంగా గురువారం అలహాబాద్‌లోని త్రివేణి సంగమంలో వేలాది భక్తులు పుణ్య స్నానాలు ఆచరించారు. నెల రోజుల పాటు జరిగే మాఘమేళా మకరసంక్రాంతినుంచే ప్రారంభమవుతుంది. గట్టి భద్రతా ఏర్పాట్లు, ట్రాఫిక్ ఆంక్షల కారణంగా భక్తులు ఎముకలు కొరికే చలిని సైతం లెక్క చేయకుండా మైళ్ల దూరం నడిచి తెల్లవారుజామునుంచే త్రివేణి సంగమానికి చేరుకున్నారు.

న్యూఢిల్లీ, జనవరి 14: పఠాన్‌కోట్ ఎయిర్‌బేస్‌పై దాడిచేసిన జైషే మహ్మద్ అధినేత వౌలానా మసూద్ ఆజర్‌తోపాటు పలువురు ఇతర ఉగ్రవాదులను అరెస్టు చేశామని భారత ప్రభుత్వానికి వర్తమానం పంపించిన పాకిస్తాన్ పాలకుల అసలు రంగు బయటపడింది. జైషే మహ్మద్ నేతల అరెస్టు గురించి తమకు ఎలాంటి సమాచారం లేదని పాక్ విదేశాంగ శాఖ అధికార ప్రతినిధి ఖాజీ ఖలీల్లాహ గురువారం ఇస్లామాబాద్‌లో ప్రకటించారు.