బెంగళూరు, నవంబర్ 20: కర్నాటకలో బేలెకెరె రేవునుంచి ఖనిజం అక్రమ ఎగుమతి కేసులో గనుల వ్యాపారి గాలి జనార్దన్‌రెడ్డిని శుక్రవారం లోకాయుక్త పోలీసులు అరెస్టు చేశారు. ఇనుప ఖనిజం ఎగుమతికి సంబంధించి చోటుచేసుకున్న అక్రమాల్లో గాలి కంపెనీ ప్రమేయం ఉన్నట్టు లోకాయుక్త ప్రత్యేక దర్యాప్తు విభాగం ఆరోపణ. ఇంతకు ముందు గనుల అక్రమ తవ్వకం కేసుల్లో అరెస్టయిన జనార్దన్‌రెడ్డి చాలాకాలం జైలులో ఉండి బెయిల్‌పై బయటకు వచ్చారు.

విశాఖపట్నం, నవంబర్ 20: మానవ తప్పిదాల వలనే ప్రకృతి వైపరీత్యాలు సంభవిస్తున్నాయని నిపుణులు అభిప్రాయపడ్డారు. విశాఖలో జరుగుతున్న విపత్తుల నిర్వహణపై రెండో ప్రపంచ సదస్సులో భాగంగా రెండో రోజైన శుక్రవారం రెండు ప్లీనరీలు, తొమ్మిది సెషన్స్ జరిగాయి. రెండో రోజు సదస్సులో చర్చించిన అంశాల గురించి సాయంత్రం సదస్సు ప్రతినిధులు వివరించారు.

హైదరాబాద్, నవంబర్ 20: దేశంలో విద్యాబోధన స్వభావం మారిందని, తదనుగుణంగా విద్యార్ధులు ఆధునికతను అందిపుచ్చుకుని ప్రపంచమార్కెట్‌కు దీటుగా సిద్ధం కావాలని ఇగ్నో మాజీ విసి, ‘నేక్’మాజీ డైరెక్టర్, ఏసియా పసిఫిక్ క్వాలిటీ ఎడ్యుకేషన్ నెట్ వర్క్ వైస్ ప్రెసిడెంట్ ప్రొఫెసర్ వి ఎస్ ప్రసాద్ పేర్కొన్నారు.

న్యూఢిల్లీ, నవంబర్ 20: వ్యాపం కుంభకోణంతో సంబంధం ఉన్నట్లు అభియోగాలు ఎదుర్కొంటున్న మధ్యప్రదేశ్ గవర్నర్ రాంనరేశ్ యాదవ్‌ను ఆ పదవిలోనుంచి తొలగించాలని కోరుతూ దాఖలయిన పిటిషన్‌పై సమాధానం ఇవ్వాలని ఆయనను, కేంద్ర ప్రభుత్వాన్ని శుక్రవారం సుప్రీంకోర్టు ఆదేశించింది.