తిరుపతి, నవంబర్ 20: చిత్తూరు మేయర్ అనూరాధ దంపతుల హత్య కేసులో ప్రధాన నిందితులు చింటూ అలియాస్ చంద్రశేఖర్, రెడ్డి అలియాస్ జయప్రకాష్, వెంకటేష్‌ల ఆచూకి తెలిపిన వారికి లక్ష రూపాయలు బహుమానం ఇస్తామని, సమాచారం ఇచ్చిన వారి పేర్లను రహస్యంగా ఉంచుతామని రాయలసీమ అడిషనల్ డిజి ఠాకూర్ ప్రకటించారు. మేయర్ దంపతుల హత్య కేసు దర్యాప్తు పురోగతిని పరిశీలించడానికి శుక్రవారం ఉదయం ఆయన చిత్తూరుకు చేరుకున్నారు.

పనాజీ, నవంబర్ 20: దశాబ్దాలుగా భారతీయ సంగీతానికి ఎనలేని సేవలందిస్తూ దక్షిణాదిన వినూత్న బాణీలతో ఎప్పటికప్పుడు కొత్త ఒరవడులు సృష్టిస్తూ వచ్చిన సంగీత విద్వాంసుడు ఇళయరాజాకు ఈ ఏటి మేటి వ్యక్తిగా శతాబ్దపు అవార్డు లభించింది. భారతీయ అంతర్జాతీయ చలన చిత్రోత్సవం సందర్భంగా ఆర్థిక, సమాచార, ప్రసార శాఖ మంత్రి అరుణ్ జైట్లీ శుక్రవారం ఈ పురస్కారాన్ని ఇళయరాజాకు ప్రదానం చేశారు.

హైదరాబాద్, నవంబర్ 20: సమస్యలపై పోరుకు జాతీయ స్థాయిలో మహిళా టీచర్లంతా ఒకే వేదికపైకి రాబోతున్నారు. జాతీయ స్థాయిలో 16 రాష్ట్రాల నుండి 20 సంస్థలకు చెందిన 500 మంది మహిళా టీచర్ల ప్రతినిధులు, వందలాది సభ్యులు హైదరాబాద్‌లో ఈనెల 22 నుండి నిర్వహించబోయే జాతీయ సమ్మేళనంలో పాల్గొనబోతున్నారు.

రాజేంద్రనగర్, నవంబర్ 20: జయశంకర్ తెలంగాణ రాష్ట్ర వ్యవసాయ విశ్వవిద్యాలయాన్ని కేరళ వ్యవసాయ విశ్వవిద్యాలయం పాలకమండలి సభ్యుల బృందం శుక్రవారం సందర్శించి పలు విషయాలను తెలుసుకున్నారు.