కొల్చారం, ఏప్రిల్ 29: అతి వేగంగా వస్తున్న ఆర్టీసీ బస్సు.. బైక్‌ను ఢీకొట్టిన సంఘటనలో భార్యాభర్తలు అక్కడికక్కడే మృతి చెందిన సంఘటన సోమవారం మెదక్ జిల్లా కొల్చారం పోలీస్ స్టేషన్ పరిధిలో చోటు చేసుకుంది. పోలీసుల కథనం ప్రకారం.. నర్సాపూర్ మండలం చిప్పల్‌తుర్తి గ్రామశివారులో రంజ్య తండాకు చెందిన మాలోవత్ రమేశ్ (38), జ్యోతి (32)లు మెదక్ మండలం బూర్గుపల్లి గ్రామానికి పెళ్లికి వెళ్లి తిరిగి వస్తున్నారు.

సబ్బవరం, ఏప్రిల్ 29: విశాఖ జిల్లా సబ్బవరం మండలం అసకపల్లిలోని దామోదర సంజీవయ్య జాతీయ న్యాయ విశ్వవిద్యాలయంలో మొదటి సంవత్సరం చదువుతున్న విద్యార్థి ఒకరు భవనం పైనుంచి దూకి ఆత్మహత్యాయత్నానికి పాల్పడిన సంఘటన వెలుగులోకి వచ్చింది. సోమవారం జరిగిన ఈ సంఘటనను ఇక్కడి వర్శిటీ ఇన్‌చార్జి రిజిస్ట్రార్ శ్రీ సుధ, స్థానిక సీఐ ఎం. శ్రీనివాసరావు విలేఖరులకు ధ్రువీకరించారు.

హైదరాబాద్, ఏప్రిల్ 29: కాంగ్రెస్ పార్టీ నాయకుడు, చేవెళ్ల ఎంపీ కొండా విశే్వశ్వరరెడ్డికి హైకోర్టులో స్వల్ప ఊరట లభించింది. ఎన్నికల సమయంలో డబ్బుల వ్యవహారంలో నోటీసులు ఇచ్చేందుకు వెళితే పోలీసులను నిర్బంధించిన కేసులో విశే్వశ్వరరెడ్డిపై బంజారాహిల్స్ పోలీసు స్టేషన్‌లో కేసు నమోదైంది. ఈ కేసు విషయంలో ముందస్తు బెయిల్ కోసం నాంపల్లి కోర్టును ఆశ్రయించగా నాంపల్లి కోర్టు పిటీషన్‌ను గురువారం నాడు కొట్టివేసింది.

కంకిపాడు, ఏప్రిల్ 29: స్థానిక చెరువుకట్టపై నివసించే టీటీసీ విద్యార్థిని ఈనెల 27న అదృశ్యమైనట్లు స్థానిక పోలీసు స్టేషన్‌లో కేసు నమోదైంది. పోలీసుల కథనం ప్రకారం స్థానికురాలైన 19ఏళ్ల యువతి అంగలూరులో టీటీసీ శిక్షణ పొందుతోంది. ఈనెల 27న సాయంత్రం గ్రామంలోని ఓ టైలర్ వద్దకు వెళ్లి వస్తానని చెప్పి తిరిగి ఇంటికి చేరలేదు. ఈ వి షయమై రాణి స్నేహితులను, బంధువుల ను తల్లిదండ్రులు ఆరా తీశారు.