హైదరాబాద్, ఏప్రిల్ 30: పంజాగుట్టలోని అంబేద్కర్ విగ్రహాన్ని ధ్వంసం చేయడాన్ని నిరసిస్తూ ఇందిరాపార్కు వద్ద ఎమ్మార్పీఎస్ వ్యవస్థాపక అధ్యక్షుడు మందకృష్ణ మాదిగ నిర్వహించ తలపెట్టిన అంబేద్కర్ వాదుల మహాసభకు హైకోర్టు అనుమతి ఇచ్చింది. మే 8వ తేదీన ఇందిరాపార్కు వద్ద అంబేద్కర్ వాదుల గర్జన నిర్వహిస్తామని ఎమ్మార్పీఎస్ హైకోర్టుకు తెలిపింది.

హైదరాబాద్, ఏప్రిల్ 30: రాజ్యసభ సభ్యుడు సుజనా చౌదరి సీబీఐ విచారణకు హాజరుకావల్సిందేనంటూ తెలంగాణ హైకోర్టు మంగళవారం నాడు స్పష్టం చేసింది. బెస్టు అండ్ క్రాంప్టన్ కేసులో విచారణకు రావాలంటూ సీబీఐ పంపిన నోటీసులను సుజనా చౌదరి హైకోర్టులో సవాల్ చేశారు. సుజనా దాఖలు చేసిన పిటీషన్‌ను న్యాయస్థానం తోసిపుచ్చింది. అయితే సుజనాకు ఊరట కలిగించేలా న్యాయమూర్తులు ఈ సందర్భంగా కొన్ని సూచనలు చేశారు.

పెద్దవూర, ఏప్రిల్ 30: నల్లగొండ జిల్లా పెద్దవూర పోలీస్ స్టేషన్ వద్ద మంగళవారం పోలీసులు వాహనాల తనిఖీలు నిర్వహిస్తుండగా 64లక్షల రూపాయలు నగదును పట్టుకున్నారు. పోలీసుల వివరాల ప్రకారం.. దేవరకొండకు చెందిన కులిజాల పూర్ణయ్య దేవరకొండ నుండి మిర్యాలగూడకు ఏపీ 24ఏయూ 6606 కారులో నగదుతో వెళ్తుండగా పట్టుబడినట్లు తెలిపారు. ఈ నగదుకు ఎలాంటి ఆధారాలు ఇవలేదని ఎస్‌ఐ మోహన్‌బాబు తెలిపారు.

ఇటిక్యాల, ఏప్రిల్ 30: జమ్ములమ్మ దైవదర్శనానికి వెళ్తూ అనంతలోకాలకు తరలిపోయన సంఘటన గద్వాల జిల్లా ఇటిక్యాల మండల పరిధిలోని కోదండాపురం జింకలపల్లి స్టేజి మధ్యలో 44వ జాతీయ రహదారిపై సోమవారం రాత్రి చోటు చేసుకుంది. ఇటిక్యాల ఎస్సై సీహెచ్ రాజు కథనం మేరకు వివరాలిలా ఉన్నాయి.