ఇబ్రహీంపట్నం, మే 1: కారు అదుపుతప్పి చెట్టును ఢీకొన్న సంఘటనలో ఇద్దరు అక్కడికక్కడే మృతి చెందగా, నలుగురు తీవ్రంగా గాయపడ్డారు. ఈ దుర్ఘటన బుధవారం జూపూడి గ్రామంలో జరిగింది. ఇబ్రహీంపట్నం పోలీసుల సమాచారం ప్రకారం.. కృష్ణా జిల్లా తోట్లవల్లూరు మండలం వల్లూరుపాలెం గ్రామంలోని ఒకే కుటుంబానికి చెందిన ఆరుగురు కోదాడలోని ఆలయంలో పూజలు చేసుకుని తిరిగి వస్తుండగా జూపూడి గ్రామం వద్ద కారు అదుపుతప్పి చెట్టును ఢీకొంది.

జీడిమెట్ల, మే 1: ప్రమాదవశాత్తు కాలు జారి కిందపడి యువకుడు మృతిచెందిన సంఘటన దుందిగల్ పోలీస్‌స్టేషన్ పరిధిలో జరిగింది. బీహార్‌కు చెందిన ఎండీ శమీమ్ (24) కూలీ పనులు చేస్తుంటాడు. గండిమైసమ్మలోని ఎండీ యూనస్ పంచర్ దుకాణంలో కూలీగా పనిచేస్తాడు. బుధవారం ఉదయం నిద్ర లేచిన శమీమ్ ఇనుప వాటర్ డ్రమ్‌పై నిలబడి సబ్బు తీసుకునేందుకు వెతుకుతున్నాడు. కాలు జారి కిందపడిపోయాడు.

షాద్‌నగర్ రూరల్, మే 1: ప్రజల శ్రేయస్సుకు కార్డన్ సెర్చ్ నిర్వహిస్తున్నట్లు శంషాబాద్ డీసీపీ ప్రకాష్‌రెడ్డి వివరించారు. బుధవారం తెల్లవారుఝామున రెండు గంటల సమయంలో శంషాబాద్ డీసీపీ ప్రకాష్ రెడ్డి, షాద్‌నగర్ ఏసీపీ సురేందర్, స్థానిక సీఐ శ్రీ్ధర్ కుమార్ ఆధ్వర్యంలో షాద్‌నగర్ పురపాలక సంఘం పరిధిలోని ఫరూఖ్‌నగర్ ప్రాంతంలోని పాత ఆశియానా హోటల్ వెనుక ప్రాంతంలో 400 ఇళ్లను తనిఖీ చేశారు.

బొమ్మలరామారం : యాదాద్రి భువనగిరి జిల్లా బొమ్మలరామారం మండలంలోని మైసిరెడ్డిపల్లి గ్రామశివారులో మంగళవారం ఆర్ధరాత్రి జరిగిన కారు ప్రమాదంలో ముగ్గురు ఇంజనీరింగ్ విద్యార్థులు ప్రమాద స్థలంలోనే మృతి చెందగా మరొక విద్యార్థి తీవ్ర గాయాలతో చికిత్స నిమిత్తం హైదరాబాద్‌కు తరలించగా మృతి చెందాడు.