జాతీయ నటుడు కమల్‌హాసన్ హీరోగా త్రిష, మధుశాలిని హీరోయిన్లుగా రాజేష్ ఎం.శెల్వ దర్శకత్వంలో రూపొందిన ‘చీకటి రాజ్యం’ చిత్రం ఇటీవలే విడుదలై మంచి టాక్‌తో రన్ అవుతున్న సందర్భంగా శనివారం హైదరాబాద్‌లో ఏర్పాటుచేసిన పాత్రికేయుల సమావేశంలో కమల్‌హాసన్ మాట్లాడుతూ.. ఇదొక విభిన్నమైన చిత్రం. అందరం కష్టపడి పనిచేశాం. ఇలాంటి చిత్రాల్ని ఆదరించకపోతే ఇలాంటి నేపథ్యంతో రూపొందే సినిమాలు రావడానికి మరో పదేళ్లు పట్టేది.

నాగశౌర్య, పలక్ లల్వాని జంటగా రమేశ్ వర్మ దర్శకత్వంలో వస్తున్న చిత్రం -అబ్బాయితో అమ్మాయి. వందన అలేఖ్య జక్కం, శ్రీనివాస్ సమ్మెట, కిరీటి పోతిని నిర్మాతలు. చిత్రం కోసం స్వయంగా స్వరపర్చిన పాటల్ని హైదరాబాద్‌లో మాస్ట్రో ఇళయరాజా ఆవిష్కరించారు. ఈ సదర్భంగా మాట్లాడుతూ అందరూ ప్రేమికులే. నాకు సంగీతమంటే ప్రేమ. కొంతమందికి డబ్బంటే ప్రేమ. ప్రేమ లేకపోతే జీవితం లేదు.

గోపీచంద్, రెజీనా జంటగా వస్తున్న చిత్రం సౌఖ్యం. ఎఎస్ రవికుమార్ చౌదరి దర్శకుడు. చిత్రం పోస్ట్‌ప్రొడక్షన్స్ జరుపుకుంటోంది. నిర్మాత ఆనంద్ ప్రసాద్ మాట్లాడుతూ దర్శకుడి గత చిత్రాలకన్నా మిన్నగా దీన్ని రూపొందించాడని, రెండు పాటల్ని సోమవారం నుంచి హైదరాబాద్‌లో చిత్రీకరించనున్నట్టు చెప్పారు. 13న ఒంగోలులో ఆడియో విడుదల చేస్తామన్నారు. అన్ని వర్గాల ప్రేక్షకులకు నచ్చే సినిమా అవుతుందని అన్నారు.

శ్రుతిహసన్ మంచి జోరుమీదుంది. తమిళ, తెలుగు సినిమాల్లో జెట్ స్పీడ్‌తోవున్న శ్రుతికి అవకాశాలు లెక్కకుమించి అవుతున్నాయి. మెగా హీరో రామ్‌చరణ్ నెక్స్ట్ సినిమాలో జోడీ కట్టేందుకు రెడీ అయ్యింది శ్రుతి. గతంలో వీళ్లిద్దరు -ఎవడు చేశారు. తాజాగా రామ్‌చరణ్ నటిస్తున్న తమిళ రీమేక్ తనిఒరువన్ సినిమా వచ్చేనెలలో సెట్స్‌పైకి రానుంది. ఈ చిత్రానికి సురేందర్‌రెడ్డి దర్శకత్వం వహిస్తాడు.