‘శంకరాభరణం’ సినిమాకు బిహార్ బ్యాక్‌డ్రాప్ కొత్తగా ఉందని సినిమా చేశాం. ప్రయోగంగా చేసిన ఈ సినిమా మంచి ఫలితాన్ని ఇస్తే ఇలాంటి కథలతో మరిన్ని సినిమాలు చేయవచ్చు అని అంటున్నారు ప్రముఖ రచయిత కోనవెంకట్. తెలుగు తెరపై నవ్వులపూలు పూయించి కమర్షియల్ సినిమాల రచయితగా మంచి గుర్తింపు తెచ్చుకున్న ఆయన రచయితకు స్టార్‌డమ్‌ను తెచ్చిపెట్టారు.

వెండి తెరపై వండర్స్‌ను క్రియేట్ చేస్తూ సంచలన దర్శకుడిగా గుర్తింపు తెచ్చుకున్న దర్శకుడు శంకర్ ప్రస్తుతం రజనీకాంత్‌తో ‘రోబో-2’ చిత్రాన్ని రూపొందించే ప్రయత్నాల్లో ఉన్నారు. ఇప్పటికే ఈ సినిమాకు సంబంధించిన ప్రీప్రొడక్షన్ పనులు పూర్తయ్యాయి. డిసెంబర్ 12న లాంఛనంగా ప్రారంభమయ్యే ఈ సినిమా దాదాపు 300 కోట్ల భారీ బడ్జెట్‌తో తెరకెక్కుతుందట!

అక్కినేని నాగచైతన్య, శృతిహాసన్ జంటగా చందు మొండేటి దర్శకత్వంలో సితార ఎంటర్‌టైన్‌మెంట్స్ పతాకంపై సూర్యదేవర నాగవంశి నిర్మిస్తున్న ప్రొడక్షన్ నెం.1 చిత్రం శనివారం హైదరాబాద్‌లో ప్రారంభమైంది. అక్కినేని అఖిల్ ముహూర్తపు సన్నివేశానికి క్లాప్‌నివ్వగా నిర్మాత సురేష్‌బాబు కెమెరా స్విచ్ ఆన్ చేశారు. ఈ కార్యక్రమంలో దిల్‌రాజు, జెమినీ కిరణ్, నల్లమలుపు బుజ్జి, దర్శకుడు మారుతి తదితరులు పాల్గొన్నారు.

శ్రీ శైలేంద్ర ప్రొడక్షన్స్ పతాకంపై రాజ్‌తరుణ్ కథానాయకుడిగా శ్రీనివాస్ గవిరెడ్డి దర్శకత్వంలో రూపొందిస్తున్న చిత్రం ‘సీతమ్మ అందాలు రామయ్య సిత్రాలు’. ఈ సినిమాకు సంబంధించిన షూటింగ్ పూర్తిచేసి పోస్ట్ ప్రొడక్షన్ కార్యక్రమాలు శరవేగంగా జరుపుతున్నారు.