ప్రస్తుతం ‘రంగస్థలం 1985’ చిత్రంలో నటిస్తున్న రామ్‌చరణ్ తదుపరి చిత్రానికి ప్రయత్నాలు మొదలుపెట్టాడు. ఇప్పటికే రంగస్థలం 60 శాతం పైగా షూటింగ్ పూర్తయింది. వచ్చే సంక్రాంతికి విడుదలకానున్న ఈ సినిమా తరువాత చరణ్ రాజవౌళి దర్శకత్వంలో నటిస్తాడని వార్తలొస్తున్నాయి. ఇప్పటికే రాజవౌళితో చర్చలు జరిపాడని టాక్. ‘బాహుబలి’ తరువాత రాజవౌళి తదుపరి సినిమా ఎవరితో అన్న ఆసక్తికి బ్రేక్‌పడింది.

ఇటీవలే విజయ్ దేవరకొండ హీరోగా వచ్చిన అర్జున్‌రెడ్డి చిత్రం సృష్టించిన సంచలనం అంతా ఇంతా కాదు. ముఖ్యంగా యూత్‌ని బాగా ఆకట్టుకున్న ఈ సినిమా అటు బాక్సాఫీస్ వద్ద కూడా భారీ విజయాన్ని అందుకుంది. మరోవైపు సినిమా రీమేక్ హక్కుల విషయంలో సంచలనం రేపింది. తమిళ రీమేక్ హక్కులకోసం గట్టి పోటీ ఏర్పడగా, హీరో ధనుష్ భారీ మొత్తానికి స్వంతం చేసుకున్నారు. అయితే ఈ రీమేక్‌లో ఆయనే నటిస్తాడని అనుకున్నారు.

సినిమా పరిశ్రమ అంటేనే లైంగిక వేధింపులు లాంటి విపరీత అర్థాలు తాను విన్నానని, అలాంటివి ఎదురైతే సర్దుకుపోవాలని చాలామంది సలహా ఇచ్చినా, దేవుడిదయవల్ల అలాంటివేవీ తనకెదురుకాలేదు అంటోంది బాలీవుడ్ పొడుగుకాళ్ల సుందరి కృతిసనన్. తాజాగా ఆమె నటించిన బాలీవుడ్ చిత్రం ‘బరేలీకి బర్ఫీ’ హిట్ అయింది. ఈ చిత్రంలో కృతిసనన్ మాధురీదీక్షిత్ అభిమానిగా నటించింది.

శివ్ తాండల్, నేహా దేశ్‌పాండే, అజయ్‌ఘోష్ ప్రధాన పాత్రల్లో సాయి సునీల్ నిమ్మల దర్శకత్వంలో నిర్మాని ఫిలిమ్స్ పతాకంపై మణిలాల్ మచ్చి అండ్ సన్స్ నిర్మిస్తున్న చిత్రం ‘వాడేనా’. ఈ చిత్రానికి సంబంధించిన టీజర్, పోస్ట్‌ర్‌ను విడుదల చేశారు. ఈ విడుదల కార్యక్రమం తెలంగాణ ఫిల్మ్ చాంబర్ అధ్యక్షుడు ప్రతాని రామకృష్ణగౌడ్, రాజ్ కందుకూరి, మల్కాపురం శివకుమార్, సురేష్ కొండేటి, శివ చేతుల మీదుగా జరిగింది.