న్యూఢిల్లీ, ఫిబ్రవరి 8: డొల్ల ప్రకటనలతో ప్రజలను మోసం చేయలేరంటూ తెలుగుదేశం పార్లమెంటరీ పార్టీ నాయకుడు, కేంద్ర సైన్స్, టెక్నాలజీ మంత్రి సుజనా చౌదరి కేంద్ర ఆర్థిక మంత్రి అరుణ్ జైట్లీతో వాదనకు దిగారు. పార్లమెంటు ఆవరణలోని తెలుగదేశం పార్లమెంటరీ పార్టీ కార్యాలయం వద్ద ఇరువురు మంత్రుల మధ్య ఈ వాగ్వివాదం చోటు చేసుకుంది.

న్యూఢిల్లీ, ఫిబ్రవరి 8: ఆంధ్రప్రదేశ్ విభజన హామీలను అమలు చేయాలంటూ రాష్ట్రానికి చెందిన ఎంపీలు పార్లమెంట్ లోపలా, బయటా వరుసగా మూడోరోజూ ఆందోళన చేపట్టారు. గురువారం టీడీపీ, వైఎస్‌ఆర్‌సీపీ, కాంగ్రెస్ పార్టీ ఎంపీలు ఉభయ సభల్లో తమ పోరాటాన్ని ఉధృతం చేశారు.

న్యూఢిల్లీ, ఫిబ్రవరి 8: ఏపీ విభజన సమస్యల పరిష్కారంపై ఆర్థిక మంత్రి అరుణ్ జైట్లీ గురువారం లోక్‌సభలో చేసిన ప్రకటన తెలుగుదేశం, వైఎస్‌ఆర్‌సీపీ ఎంపీలను సంతృప్తి పరచలేదు. జైట్లీ మరోసారి తమను మోసం చేశారంటూ రెండు పార్టీల ఎంపీలు లోక్‌సభలో నిరసన వ్రతాన్ని కొనసాగించారు. స్పీకర్ సభను వాయిదా వేయటంతో వారు శుక్రవారం కూడా పార్లమెంటు ఉభయసభల్లో నిరసన వ్రతం కొనసాగించవచ్చు.

న్యూఢిల్లీ, ఫిబ్రవరి 8: అద్దెగర్భం (సరోగసీ) ద్వారా పిల్లలు కలిగిన కేంద్రప్రభుత్వ ఉద్యోగినులకు కూడా సాధారణ గర్భిణుల మాదిరిగా ప్రసూతి సెలవు వర్తిస్తుందని సంబంధిత మంత్రిత్వశాఖ అధికారిక ఉత్తర్వులో పేర్కొంది. వేతనంతో కూడిన 26 వారాల (180 రోజుల) సెలవును వారు పొందవచ్చునని ఆ ఉత్తర్వులో స్పష్టం చేశారు. 2015లో ఢిల్లీ హైకోర్టు ఇచ్చిన ఆదేశాల మేరకు కేంద్రప్రభుత్వం ఈ నిర్ణయం తీసుకుంది.