చెన్నై, జనవరి 4: తమిళనాడు మాజీ ముఖ్యమంత్రి జె జయలలిత మరణానికి సంబంధించి అనేక సందేహాలు వ్యక్తం చేస్తూ మద్రాసు హైకోర్టులో మరో రెండు ప్రజాహిత పిటిషన్లు దాఖలయ్యాయి. అసలు జయలలితకు వచ్చిన జబ్బేమిటీ, ఆమెకు ఏ రకమైన చికిత్స చేశారు? అన్నదానిపై విచారణ జరపాలని పిటిషనర్ల్లు డిమాండ్ చేశారు. వీటిని స్వీకరించిన మద్రాసు హైకోర్టు మిగతావాటితోనే రెండు పిటిషన్లను జతచేసింది.

న్యూఢిల్లీ, జనవరి 4: ఉత్తరప్రదేశ్‌లో ఎన్నికల చిహ్నం సైకిల్ తమకే దక్కాలంటూ సమాజ్‌వాదీ పార్టీలోని ఇరువర్గాలు వాదిస్తుండటంతో గతంలో ఇలాంటి సందర్భాల్లో తీసుకున్న నిర్ణయాలపై ఇప్పుడు ఎన్నికల కమిషన్ (ఇసి) దృష్టి సారించనుంది.

కోల్‌కతా, జనవరి 4: పశ్చిమ బెంగాల్‌లో తృణమూల్ కాంగ్రెస్ కార్యకర్తలు తమ నాయకుడు సుదీప్ బందోపాధ్యాయ అరెస్టుకు నిరసనగా బుధవారం రాష్ట్రంలోని వివిధ ప్రాంతాల్లో వీధుల్లోకి వచ్చారు. హుగ్లీ జిల్లాలో బిజెపి కార్యాలయాన్ని తగులబెట్టారు. బిజెపి నాయకుడు, కేంద్ర మంత్రి బాబుల్ సుప్రియోను అరెస్టు చేయాలని డిమాండ్ చేస్తూ ఆయన ఇంటి ముందు నిరసన ప్రదర్శన చేశారు.

న్యూఢిల్లీ,జనవరి 4: కేంద్ర ఆర్థిక బడ్జెట్‌లో తెలంగాణ రాష్ట్రానికి తగిన ప్రాధాన్యత ఇవ్వాలని తెలంగాణ ప్రభుత్వం కేంద్రానికి విజ్ఞప్తి చేసింది. బుధవారం ఢిల్లీలోని విజ్ఞాన్‌భవన్‌లో కేంద్ర ఆర్థికమంత్రి అరుణ్ జైట్లీ అధ్యక్షతన జరిగిన జిఎస్టీ కౌన్సిల్ 8వ సమావేశంలో రాష్ట్ర ఆర్థికమంత్రి ఈటల రాజేందర్ పాల్గొన్నారు. అనంతరం జరిగిన కేంద్ర బడ్జెట్ సన్నాహక సమావేశంలో మంత్రి ఈటల పాల్గొన్నారు.