S ,7 à 8 RSCA (si SASPAS) et 6 cialis pharmacie cialis rapports de stage.

పాలమూరు గోస పట్టించుకున్నారా?

మెదక్, ఆగస్టు 2: కేంద్ర మాజీ మంత్రి జైపాల్‌రెడ్డికి ప్రాజెక్టులపై అవగాహన లేదని భారీ నీటిపారుదల శాఖ మంత్రి తన్నీరు హరీషరావు విమర్శించారు. మంగళవారం మెదక్ సాయిబాలాజీ గార్డెన్‌లో జరిగిన మెదక్ నియోజకవర్గ తెరాస కార్యకర్తల విస్తృత సమావేశంలో ఆయన కాంగ్రెస్ సీనియర్ నేత జైపాల్‌రెడ్డిపై ధ్వజమెత్తారు. మహబూబ్‌నగర్‌లో సోమవారం జరిగిన ఒక సమావేశంలో పిల్లిని చంకన పెట్టుకున్నట్లు టిడిపి రాష్ట్ర అధ్యక్షుడు ఎల్.రమణను జైపాల్‌రెడ్డి పక్కన పెట్టుకోడాన్ని ఆయన తీవ్రంగా తప్పుపట్టారు. మిషన్ కాకతీయ పనులపై రమణ సుప్రీంకోర్టులో కేసులు వేసిన విషయాన్ని హరీష్‌రావు గుర్తు చేశారు.

గోదావరి అంత్య పుష్కరాలకు భక్తుల తాకిడి

కరీంనగర్/నిజామాబాద్/వరంగల్/ఆదిలాబాద్, ఆగస్టు 2: గోదావరి అంత్య పుష్కరాలలో మూడవ రోజు వివిధ పుష్కరఘాట్లలో భక్తుల రద్దీ పెరిగింది. మంగళవారం అమావాస్య కావడంతో సెంటిమెంటు గల భక్తులు కరీంనగర్ జిల్లా ధర్మపురిలో నదీ స్నానాల కోసం రాగా, భక్తుల రద్దీ ఉదయం నుండి క్రమేపీ అధికమైంది. రాష్ట్రం నుండేకాక, రాష్ట్రేతర సుదూర ప్రాంతాల నుండి, ప్రయివేటు వాహనాలలో పిల్లాపాపలతో తరలి వచ్చిన భక్త, యాత్రిక జనం గోదావరిలో పుష్కర పవిత్ర స్నానాలను ఆచరించారు. మహిళలు అధిక సంఖ్యలో గోదావరి మాతను పూజించి, ముత్తయిదువులకు వాయనాలను సమర్పించి, దానధర్మాదికాలను నిర్వహించుకున్నారు.

ప్రతిపక్ష నేతలు మా గ్రామానికి రావొద్దు

కొండపాక, ఆగస్టు 2: తమకు ప్రభుత్వం న్యాయం చేస్తుందని, ప్రతిపక్షాలు రాజకీయం చేయవద్దని ఎర్రవల్లి భూనిర్వాసితులు గ్రామ సమీపంలో నోటీసుబోర్డు వేశారు. మంగళవారం మండలంలోని ముంపు గ్రామమైన ఎర్రవల్లిలో నిర్వాసితులంతా భూములు ఇచ్చేందుకు సంసిద్దంగా ఉన్నామని, తమ గ్రామానికి ప్రతిపక్షాలు వచ్చి గొడవలు సృష్టిస్తూ రాజకీయాలు చేయవద్దని హెచ్చరికలు జారీచేశారు. ప్రభుత్వం తమకు న్యాయం చేసేందుకు ముందుకొచ్చిందని, ప్రతిపక్ష నేతలు గ్రామానికి వచ్చి రాజకీయం చేయడం వల్ల తమకు జరిగే న్యాయం మరింత జాప్యమైతుందన్నారు. తమ మేలు కోరుకునే ఏ పార్టీ నాయకులైనా గ్రామానికి రావద్దని నోటీసుబోర్డు వేస్తు సమావేశం నిర్వహించారు.

కువైట్, సౌదీ సంక్షోభంతో.. వలస కుటుంబాల్లో ఆందోళన

జగిత్యాల, ఆగస్టు 2: కువైట్, సౌదీ అరబ్ దేశాల్లో నెలకొన్న సంక్షోభం ఇక్కడి వలస జీవితాల్లో ఆందోళన రేకేత్తిస్తుంది. అక్కడి చమురు సంస్థలు నష్టాలను చవి చూస్తున్న క్రమంలో ఉద్యోగులను తొలగిస్తుడడంతో వలస జీవుల కుటుంబాల్లో తీవ్ర అందోళన వ్యక్తం అవుతుంది. గతకొద్ది రోజులుగా చమురు సంస్థలు ఆర్థిక సంక్షోభం ఎదురుకుంటుడంతో కూలీలను యాజమాన్యాలు తొలగింపు నేపంతో విధులకు హజరు కానివ్వకుండా అడ్డుకుంటుండడంతో ఉపాధి కోల్పోతున్నామని కార్మికులు అందోళన చెందుతూ అక్కడే పనులు చేస్తున్న గల్ఫ్ ఉద్యోగుల ద్వారా ఇక్కడికి సమాచారం అందడంతో వారి కుటుంబాల్లో తీవ్ర అందోళన మొదలైంది.

కొనసాగుతున్న అల్పపీడనం

విశాఖపట్నం, ఆగస్టు 2: వాయువ్య బంగళాఖాతంలో ఏర్పడిన అల్పపీడనం మంగళవారం కూడా కొనసాగుతోందని విశాఖలోని తుపాను హెచ్చరికల కేంద్రం అధికారులు మంగళవారం రాత్రి తెలిపారు. దీనికి తోడు ఒడిశా నుంచి తమిళనాడు వరకూ ఉపరితల ఆవర్తనం ఏర్పడింది. రానున్న 24 గంటల్లో పలు చోట్ల వర్షం లేదా ఉరుములతో కూడిన జల్లులు కురుస్తాయి. ఒకటి, రెండు చోట్ల భారీ వర్షం కురిసే అవకాశం ఉంది. ఇదే సమయంలో తీరం వెంబడి గంటకు 45 నుంచి 55 కిలోమీటర్ల వేగంతో గాలులు వీస్తాయి. తరువాత అల్పపీడనం బలహీనపడుతుందని అధికారులు తెలిపారు.

ముమ్మరంగా గండి పూడ్చివేత పనులు

నూజివీడు, ఆగస్టు 2: పోలవరం కుడికాల్వకు పడిన గండి పూడ్చివేత పనులను మంగళవారం అధికారులు, ప్రజాప్రతినిధులు ముమ్మరం చేశారు. గోదావరి జలాలను పట్టిసీమ ఎత్తిపోతల నుండి పోలవరం కాల్వ ద్వారా కృష్ణానదికి తరలిస్తున్న విషయం తెలిసిందే. సోమవారం కృష్ణా జిల్లా నూజివీడు మండలం పల్లెర్లమూడి గ్రామ సమీపంలో 122 కి.మీ. అండర్ టనె్నల్ వద్ద కాల్వకు గండి పడింది. సమాచారం అందిన వెంటనే సంఘటన ప్రాంతానికి వెళ్లిన జలవనరుల శాఖ మంత్రి దేవినేని ఉమామహేశ్వరరావు రాత్రి కూడా అక్కడే బసచేసి పూడ్చివేత పనులను వేగవంతం చేయించారు. అధికారులకు సూచనలిస్తూ ఆయన పనులను పర్యవేక్షిస్తున్నారు.

అంత్య పుష్కరాలకు బంద్ సెగ!

రాజమహేంద్రవరం, ఆగస్టు 2: అంత్య పుష్కరాలకు బంద్ సెగ తగిలింది.. మంగళవారం రద్దీ కాస్త మందగించింది. పుష్కర పుణ్య స్నానాలు అంతంతమాత్రంగా సాగాయి. తూర్పు గోదావరి జిల్లా రాజమహేంద్రవరంలోని పుష్కర ఘాట్, సరస్వతి విఐపి ఘాట్‌లలో రద్దీ బాగానే ఉంది. ఉదయం నుంచీ జిల్లావ్యాప్త యాత్రికుల రద్దీ కన్పించగా, తొమ్మిది గంటల నుంచి రైళ్లలో జిల్లా యేతర యాత్రికులు పుష్కర ఘాట్‌లో స్నానాలు ఆచరించారు. అమావాస్య కావడంతో పితృదేవతలను స్మరించుకుంటూ అత్యధికంగా పిండ ప్రదాన క్రతువులు జరిగాయి. దూర ప్రాంతాల నుంచి వచ్చిన ఎన్‌ఆర్‌ఐలు పుణ్యస్నానాలు ఆచరించి, పితృకర్మలు చేసుకోవడం కన్పించింది.

లోక్‌సభలో ‘వివేకానందుడు’

న్యూఢిల్లీ, ఆగస్టు 2: తెలుగుదేశం సభ్యుడు శివప్రసాద్ మంగళవారం లోక్‌సభలో వినూత్న పద్ధతిలో ప్రత్యేక హోదా డిమాండ్ చేసి అందరినీ ఆకట్టుకున్నారు. మంగళవారం ఆయన సభకు స్వామి వివేకానంద గెటప్‌లో వచ్చారు. స్వామి వివేకానంద మాదిరిగా కాషాయ వస్త్రాలు ధరించినా తలపాగాగా మాత్రం కషాయ వస్త్రాన్ని కాకుండా తెలుగుదేశం పార్టీకి ప్రతిరూపమైన పసుపు రంగు బట్టని ధరించారు. లోక్‌సభలో ముందు వరుసలో కూర్చున్న అధికార, ప్రతిపక్ష సభ్యులకు ఆయన స్వామి వివేకానంద మాదిరిగా గంభీరంగా నమస్కారం చేస్తూ ముందుకు సాగారు.

పాక్షికం.. ప్రశాంతం

విజయవాడ, ఆగస్టు 2: రాష్ట్రానికి ప్రత్యేక హోదా కోసం వైకాపా, వామపక్షాలు, కాంగ్రెస్ పార్టీ మంగళవారం పిలుపునిచ్చిన బంద్ ప్రశాంతంగా జరిగింది. అన్ని వర్గాల వారు స్వచ్ఛందంగా బంద్‌కు సహకరించారు. ముఖ్యంగా విద్యా, వ్యాపార సంస్థలు పూర్తిగా మూతబడ్డాయి. సినిమా హాళ్లలో ఉదయం ఆటలు రద్దయ్యాయి. పోలీసులు ముందుజాగ్రత్త చర్యగా అర్ధరాత్రి నుంచే నాయకుల అరెస్టుల పర్వం ప్రారంభించారు. కొందరు నాయకుల ఇళ్లను చుట్టుముట్టి వారిని అరెస్టు చేశారు. రాష్టవ్య్రాప్తంగా రోజుకు 10,891 ఆర్టీసీ బస్సులు రాకపోకలు సాగించాల్సి ఉండగా 2,931 బస్సులు నిలిచిపోయాయి.

‘లీకేజీ’ మంత్రులను బర్తరఫ్ చేయండి

హైదరాబాద్, ఆగస్టు 2: ఎంసెట్-2 లీకేజీపై వ్యవహారంలో సంబంధిత మంత్రులను బర్తరఫ్ చేయాలని తెలంగాణ ప్రదేశ్ కాంగ్రెస్ కమిటీ నాయకులు రాష్ట్ర గవర్నర్‌ను కోరారు. మంగళవారం టి.పిసిసి అధ్యక్షుడు కెప్టెన్ ఎన్ ఉత్తమ్‌కుమార్ రెడ్డి అధ్యక్షతన పార్టీ నేతలు గవర్నర్ నరసింహన్‌ను కలిసి ఎంసెట్ లీకేజీపై, మల్లన్న సాగర్‌లో నిర్భంధంపై వేర్వేరుగా వినతి పత్రాలు అందజేశారు. లీకేజీ వ్యవహారంపై సిబిఐ విచారణ జరిపించి, దోషులపై చర్య తీసుకోవాలని వారు గవర్నర్ నరసింహన్‌ను కోరారు. మరోవైపు నిర్బంధం కొనసాగిస్తూ ప్రజాస్వామ్య హక్కులను కాలరాస్తున్నారని వారు ఆరోపించారు.

Pages