S ,7 à 8 RSCA (si SASPAS) et 6 cialis pharmacie cialis rapports de stage.

చేతగాని కూటమి!

హైదరాబాద్, నవంబర్ 13: సీట్లు కూడా పంచుకోవడం చేతగానివాళ్లు సర్కార్‌ను ఎలా నడిపిస్తారో ప్రజలు ఆలోచించాలని అద్ధర్మ మంత్రి కల్వకుంట్ల తారకరామారావు అన్నారు.పొద్దున పూట అభ్యర్థులను ప్రకటిస్తే గాంధీభవన్‌పై దాడి చేస్తారన్న భయంతోనే అర్ధరాత్రి ప్రకటించారని ఎద్దేవా చేశారు. గాంధీభవన్ వద్ద టికెట్ రాని నిరసనకారులు కొందరు సెలైన్ బ్యాటిల్స్ పట్టుకొని కనిపించారని, అది గాంధీభవనేనా? లేక గాంధీ ఆస్పత్రా? అనే అనుమానం కలిగిందని విమర్శించారు. తెలంగాణ ఆత్మగౌరవాన్ని చంద్రబాబుకు తాకట్టు పెడితే, ఈ ప్రాంతంపై ప్రేమ ఎందుకుంటుందని ప్రశ్నించారు.

ధర్నాచౌక్‌పై ఆంక్షలు ఎత్తివేత

హైదరాబాద్, నవంబర్ 13: హైదరాబాద్ ఇందిరా పార్కు వద్ద ఉన్న ధర్నాచౌక్‌పై ప్రభుత్వ విధించిన ఆంక్షలను ఎత్తివేస్తూ ఉమ్మడి హైకోర్టు మంగళవారం ఉత్తర్వులు జారీ చేసింది. రాజకీయ పార్టీలు, ప్రజా సంఘాలు, కార్మిక యూనియన్ల నేతలు పోలీసు అనుమతితో ధర్నాలు చేసుకోవచ్చునని హైకోర్టు మధ్యంతర ఉత్తర్వుల్లో పేర్కొంది. ధర్నా చౌక్ వద్ద 6 వారాల పాటు ధర్నాలు చేసుకోవడానికి అనుమతి ఇచ్చింది. ధర్నా చౌక్ ఎత్తివేతపై ప్రభుత్వం ఏడాదిగా వివరణ ఇవ్వకపోవడంపై కోర్టు అసహనం వ్యక్తం చేసింది. ప్రజాస్వామ్యంలో నిరసనలు తెలియచెప్పే హక్కు ప్రతి పౌరుడికి ఉంటుందన్న అంశం ప్రభుత్వానికి తెలియదా అంటూ కోర్టు ప్రశ్నించింది.

ఏ పార్టీ బీసీలను గుర్తించలేదు

హైదరాబాద్, నవంబర్ 13: అన్ని రాజకీయ పార్టీలూ ఉద్దేశపూర్వకంగా బీసీలకు టిక్కెట్లు ఇవ్వలేదని బీసీ సంక్షేమ సంఘం జాతీయ అధ్యక్షుడు, తాజా మాజీ ఎమ్మెల్యే ఆర్.కృష్ణయ్య ఆగ్రహం వ్యక్తం చేశారు. బీసీలకు ఎక్కువ సీట్లు కేటాయించేందుకు వెంటనే చర్యలు తీసుకోవాలని ఆయన ఆన్ని పార్టీలకూ సూచించారు. లేని పక్షంలో బీసీలకు జరుగుతున్న అన్యాయానికి నిరసనగా ఈ నెల 17న రాష్ట్ర బంద్ నిర్వహిస్తామని ఆయన మంగళవారం మీడియాతో మాట్లాడుతూ తెలిపారు. బహుజన లెఫ్ట్ ఫ్రంట్ తప్ప మిగతా రాజకీయ పార్టీలన్నీ అన్యాయం చేశాయని ఆయన విమర్శించారు.

మావోలు ఆయుధాలు దించే సమయం ఆసన్నమైంది!

ఛత్తీస్‌గఢ్‌లో కొద్దిరోజుల క్రితం 62 మంది మావోయిస్టులు ఆయుధాలతో పాటు ప్రభుత్వం ముందు లొంగిపోయారు. అసెంబ్లీ ఎన్నికల ముందు ఈ పరిణామం పెద్ద విజయంగా ప్రభుత్వం భావిస్తోంది. నారాయణపూర్ జిల్లాలో ఉన్నత స్థాయి పోలీసు అధికారుల ముందు సాయుధ మావోలు ఆత్మసమర్పణ చేశారు. విచిత్రమేమిటంటే... మావోయిస్టు పార్టీ ప్రధాన కార్యదర్శిగా నంబాల కేశవరావు నియమితులయ్యారన్న వార్త వెలువడిన రోజునే ఈ లొంగుబాటు జరగడం గమనార్హం. ఇంతవరకూ మావోయిస్టు పార్టీ ప్రధాన కార్యదర్శిగా కొనసాగిన ముప్పాళ లక్ష్మణరావు అలియాస్ గణపతి వృద్ధాప్యం కారణంగా ఆ పదవి నుంచి స్వచ్ఛందంగా వైదొలగినట్టు సమాచారం.

-వుప్పల నరసింహం 99857 81799

బాలలందరికీ విద్య ఉత్తమాటేనా?

అరక్షరాస్యత నిర్మూలనే ధ్యేయంగా కేంద్ర, రాష్ట్ర ప్రభుత్వాలు ఏటా కోట్లాది రూపాయలు ఖర్చు చేస్తున్నా- దేశంలో బాలలందరికీ విద్య గగన కుసుమమే అవుతోంది. సార్వత్రిక విద్యా వ్యాప్తికి ప్రభుత్వాలు పలు పథకాలు చేపట్టినా ఇంకా అధిక శాతం పిల్లలు విద్యాగంధం లేక బాలకార్మికులుగానే ఉండి పోతున్నారు. బాలల శ్రేయస్సుకు కృషి జరుగుతున్నా ఆచరణలో ఫలితాలు కానరావడం లేదు. పాఠశాల సౌకర్యాలు లేక కొందరు, అవి ఉన్నా వివిధ కారణాల రీత్యా బడికి వెళ్లలేక మరికొందరు బాలలు తమ ఉజ్వల భవిష్యత్తును అంధకారమయం చేసుకుంటున్నారు.

-సంగనభట్ల రామకిష్టయ్య 94405 05494

ఎన్నికల్లో అక్రమాలకు చట్టంతో కళ్లెం!

అయిదు రాష్ట్రాల్లో శాసనసభ ఎన్నికల ప్రక్రియ ప్రారంభం కావడంతో రాబోయే సార్వత్రిక ఎన్నికలకు ‘మినీ మారథాన్’ మొదలైంది. ఈ ఎన్నికల ఫలితాల ప్రభావం వచ్చే ఏడాది జరిగే లోక్‌సభ, పలు శాసనసభ ఎన్నికలపై పడుతుందని కొందరు, అలాంటిదేమీ ఉండదని ఇంకొందరు వాదిస్తున్నారు. ఫలితాల ప్రభావం సంగతి పక్కన పెడితే, ఎన్నికల కోలాహలం ఇప్పటికే మిన్నంటింది. ప్రధాన రాజకీయ పార్టీలు తమ తమ అభ్యర్థులను గెలిపించుకునేందుకు సామదాన బేధ దండోపాయాలను ప్రయోగిస్తునే ఉంటాయి. ఎన్నికలు నిష్పాక్షికంగా, సజావుగా జరిగేందుకు రాజ్యాంగం ఏర్పాటు చేసిన సంస్థ భారత ఎన్నికల కమిషన్.

-బీవీ ప్రసాద్ 98499 98090

పొంతన లేని వాగ్దానాలు..

అధికారం కోల్పోయి అసహనంతో ఉన్నపుడు మళ్లీ అధికారాన్ని కైవసం చేసుకొనే ప్రయత్నంలో భాగంగా ఎన్నికల సమయంలో వాగ్దానాలు చేయవచ్చు.. ‘‘చందమామను కిందికి దించి మీ ఇంటి ప్రాంగణంలో శాశ్వతంగా ప్రతిష్ఠాస్తాము!’’ అని ప్రతి వోటరును నమ్మించడానికి యత్నించవచ్చు! అధికారపు అందలమెక్కి ఊరేగుతున్నవారు దిగడానికి ఇష్టపడరు. దిగకుండా నిరంతరం ఊరేగడానికి వీలుగా ఎన్నికల సమయంలో ప్రజల మద్దతును కూడకట్టుకోవచ్చు.. ‘‘ఇదిగో నిచ్చెన! దీనె్నక్కి మీరు అంతరిక్షంలోని అందాల సీమలకు వెళ్లి స్థిరపడవచ్చు, హాయిగా విహరించవచ్చు!’’ అని వోటర్లను మురిపించి మైమరపించవచ్చు.

కేంద్ర పరిశీలకుల నిఘా

హైదరాబాద్: త్వరలో జరగనున్న ముందస్తు ఎన్నికలు పారదర్శకంగా, ప్రజాస్వామ్య బద్దంగా జరిగేందుకు వీలుగా జిల్లా ఎన్నికల యంత్రాంగం పకడ్బందీ చర్యలు చేపట్టింది. ఇందులో భాగంగా అభ్యర్థుల ఎన్నికల వ్యయాన్ని అంచన వేసేందుకు కేంద్రం నుంచి ఎనిమిది మంది ప్రత్యేక పరిశీలకులుగా నియమిస్తూ కేంద్ర ఎన్నికల సంఘం ఆదేశాలు జారీ చేయటంతో వారు మంగళవారం నగరానికి చేరుకున్నారు. ఎన్నికల్లో ఎన్నికల ప్రవర్తన నియమావళి అతిక్రమణ, ఎన్నికల వ్యయానికి సంబంధించిన ఫిర్యాదులను ఈ కేంద్ర ఎన్నికల వ్యయ పరిశీలకులు స్వీకరించనున్నారు.

డబ్బు పంపిణీ అడ్డుకునేందుకు బృందాలు

హైదరాబాద్: ముందస్తు ఎన్నికల్లో ఎన్నికల నియమావళిని పకడ్బందీగా అమలు చేసేందుకు, ఓటర్లను ప్రలోభాలకు గురి చేసేందుకు డబ్బు పంపిణీని అడ్డుకునేందుకు ప్రత్యేకంగా 120 బృందాలను ఏర్పాటు చేసినట్లు జిల్లా ఎన్నికల అధికారి దాన కిషోర్ తెలిపారు. నగరంలో ఎన్నికల అభ్యర్థుల వ్యయాన్ని పరిశీలించేందుకు కేంద్రం నుంచి ప్రత్యేకంగా వచ్చిన ఎనిమిది మంది పరిశీలకులతో ఆయన మంగళవారం సాయంత్రం ప్రత్యేకంగా సమావేశమయ్యారు.

యువకుడి కిడ్నాప్

కుషాయిగూడ, నవంబర్ 13: కాప్రా నేతాజీనగర్ చౌరస్తాలోని పాన్ షాపు ముందు యువకుడిని కిడ్నాప్ చేసిన సంఘటన కుషాయిగూడ పోలీస్‌స్టేషన్ పరిధిలో చోటుచేసుకుంది. సీఐ చంద్రశేఖర్ వివరాల ప్రకారం నేతాజీనగర్‌కు చెందిన వేణుగోపాల్ (35)ను టాటా సుమోలో వచ్చిన నలుగురు వ్యక్తులు కిడ్నాప్ చేసినట్లు తెలిపారు. వేణుగోపాల్‌ను బలవంతంగా సుమోలో ఎక్కించగా అడ్డుకున్న స్నేహితుడు దీపక్‌ను ఆ వ్యక్తులు కొట్టారని పోలీసులకు ఫిర్యాదు చేశారు. కేసు నమోదు చేసుకున్న పోలీసులు వెంటనే ప్రత్యేక బృందాలతో గాలిస్తునట్లు పేర్కొన్నారు.

Pages