చౌడేపల్లె, మార్చి 1: ప్రముఖ రచయిత నాయ ని కృష్ణమూర్తి గురువారం ఉదయం కన్నుమూశారు. కొంతకాలంగా అనారోగ్యంతో బాధపడుతున్న ఆయన బెంగళూరులోని ప్రైవేట్ ఆసుపత్రి లో చికిత్స పొందుతూ గురువారం తుదిశ్వాస విడిచారు. అనేక నవలలు, కథలు, ఆధ్యాత్మిక గ్రంథాలను ఆయన రచించారు. చిత్తూరు జిల్లా చౌడేపల్లి మండలం నడిమిచెర్లలో 1951లో జన్మించిన నాయని హైస్కూల్ స్థాయి నుంచి సాహి త్యం, రచనల పట్ల ఆసక్తి చూపారు.

విజయవాడ, మార్చి 1: అగ్రిగోల్డ్ బాధితులకు రూ.5కోట్ల విలువైన చెక్కులను ఆంధ్రప్రదేశ్ ముఖ్యమంత్రి నారా చంద్రబాబు గురువారం పంపిణీ చేశారు. ఈ సందర్భంగా ఆయన మాట్లాడుతూ ఎటువంటి నిబంధనలు ఉన్నా లెక్కచేయనని, అగ్రిగోల్డ్ బాధితులకు న్యాయం చేస్తామని స్పష్టం చేశారు. వెలగపూడి సచివాలయంలో అగ్రిగోల్డ్ బాధితులకు చెక్కులను గురువారం సీఎం పంపిణీ చేశారు. ముందుగా 100 మందికి నష్టపరిహార చెక్కులు ఆయన అందజేశారు.

హైదరాబాద్/శంషాబాద్, మార్చి 1: వైద్య ఆరోగ్య రంగంలో తెలంగాణ ప్రభుత్వం మరో ముందుడుగు వేసింది. సమగ్ర కేన్సర్ కేర్ మేనేజింట్ పథకం కింద టాటా ట్రస్టుతో తెలంగాణ రాష్ట్రప్రభుత్వం గురువారం ఒప్పందం కుదుర్చుకుంది. ఇప్పటికే వైద్య ఆరోగ్య రంగంలో దేశ వ్యాప్తంగా విశేష కృషి చేస్తున్న టాటా ట్రస్టు ఈ ఒప్పందంతో తెలంగాణ రాష్ట్రానికి కేన్సర్ మేనేజిమెంట్ విషయంలో సహాయం అందించనుంది.

విశాఖపట్నం, మార్చి 1: పర్యావరణ పరిరక్షణ, ప్రయాణికులకు సౌలభ్యంగా ఉండే వ్యాక్యూమ్ టాయ్‌లెట్లు అందుబాటులోకి రానున్నాయి. సాంకేతిక నిపుణుల సిఫారసులు, సూచనలతో స్వచ్ఛ్భారత్‌ను సాధించే క్రమంలో వ్యాక్యూమ్ టాయ్‌లెట్లను అన్ని రైళ్లల్లో ఏర్పాటు చేయాలని రైల్వే నిర్ణయించింది. ఇందులో భాగంగా తొలుత ఒకట్రెండు రైల్వేజోన్ల పరిధిల్లో నడిచే కొన్ని రైళ్లల్లో వీటిని ఏర్పాటు చేశారు.