హిందూపురం, జనవరి 29: రాష్ట్రానికి ప్రత్యేక హోదా సాధనలో రాజకీయ పార్టీలు పూర్తిగా వైఫల్యం చెందాయని జనసేన అధినేత పవన్ కల్యాణ్ విమర్శించారు. విభజనపై పార్టీలు భిన్నాభిప్రాయాలు వ్యక్తపరచం ద్వారా సమష్టి పోరాటం చేయలేకపోయాయన్నారు. అనంతపురం జిల్లా హిందూపురంలో సోమవారం జరిగిన పార్టీ జిల్లాస్థాయి కార్యకర్తల సమావేశంలో పవన్ ఉద్వేగభరితంగా ప్రసంగించారు.

అమరావతి, జనవరి 29: వైసీపీ అధినేత వైఎస్ జగన్మోహన్‌రెడ్డి మహా సంకల్పయాత్ర వెయ్యి కిలోమీటర్లు చేరుకున్న సందర్భంగా ఆ పార్టీ శ్రేణులు సోమవారం నిర్వహించిన ‘వాక్ విత్ జగనన్న’ పాదయాత్రకు జనం పోటెత్తారు. ఢిల్లీతోపాటు విదేశాల్లో కూడా జగన్ అభిమానులు, వైసీపీ కార్యకర్తలు ఈ కార్యక్రమం నిర్వహించారు. గ్రామస్థాయి నుంచి పట్టణ స్థాయి వరకూ కార్యకర్తలు పెద్ద సంఖ్యలో రోడ్లపైకి వచ్చి, జగన్‌కు సంఘీభావం ప్రకటించారు.

తిరుపతి, జనవరి 29: శ్రీవేంకటేశ్వరస్వామిని దర్శించడానికి భక్తులు కాలినడకన వెళ్లే శ్రీవారి మెట్టుమార్గంలో సోమవారం రాత్రి 10గంటల ప్రాంతంలో బాంబులను పేల్చడానికి ఉపయోగించే ఎలక్ట్రికల్ పరికరాలను టాస్క్ఫోర్స్ దళాలు గుర్తించాయి. సమాచారం అందుకున్న టాస్క్ఫోర్స్ ఐజి కాంతారావు, చంద్రగిరి పోలీసులు, డాగ్‌స్క్వాడ్ సంఘటనా స్థలానికి చేరుకుని గాలింపు చర్యలు చేపట్టారు.

రాష్ట్రంలో ఆదివారం చుక్కల మందు హడావుడి కనిపించింది. పోలియోను శాశ్వతంగా నివారించే లక్ష్యంతో ఆస్పత్రులు, ప్రాథమిక పాఠశాలలు, పబ్లిక్ ప్రదేశాలు, వీధివీధిలో వలంటీర్లు చుక్కలమందు అందించారు. రాష్టవ్య్రాప్తంగా 22,768 కేంద్రాల్లో 36.56 లక్షల మంది పిల్లలకు పల్స్‌పోలియో చుక్కలు వేసినట్టు ప్రభుత్వం ప్రకటించింది. 787 సంచార టీంలూ చుక్కలమందు అందించాయ.