అమలాపురం, ఫిబ్రవరి 1: ఉద్యోగుల సమస్యలను పరిష్కరించాలని మూడున్నరేళ్లుగా రాష్ట్ర ప్రభుత్వానికి ఎన్ని విజ్ఞప్తులు చేస్తున్నప్పటికీ ప్రధాన సమస్యను పరిష్కరించకుండా ఆర్థికేతర సమస్యలను పరిష్కరిస్తూ ప్రభుత్వం దాటవేత ధోరణిని ప్రదర్శిస్తోందని, ఉద్యోగుల పట్ల ప్రభుత్వం సానుకూలంగా వ్యవహరించకపోతే ఉద్యమం తప్పదని ఏపీఎన్జీవో రాష్ట్ర అధ్యక్షుడు పరుచూరి అశోక్‌బాబు ప్రకటించారు.

పొదలకూరు, ఫిబ్రవరి 1: ప్రజా సంకల్పయాత్రలో భాగంగా జగన్ రెండోరోజైన గురువారం నెల్లూరు జిల్లా పొదలకూరు మండలంలో పర్యటించారు. తోడేరు క్రాస్‌రోడ్డు వద్ద బుధవారం రాత్రి బస చేసిన ఆయన ఉదయం తొమ్మిది గంటలకు పాదయాత్ర ప్రారంభించారు. ఈ యాత్రలో ఆయనకు అడుగడుగునా అపూర్వ ఆదరణ లభించింది. మహిళలు పెద్దసంఖ్యలో హారతులిస్తూ నీరాజనాలు పలికారు.

న్యూఢిల్లీ, జనవరి 31: పోలవరం ప్రాజెక్టు నిర్మాణ పూర్తి వ్యయాన్ని కేంద్రమే భరించాలని ఉత్తరాంధ్ర చర్చా వేదిక విజ్ఞప్తి చేసింది. బుధవారం మాజీ మంత్రి కొణతాల రామకృష్ణ నేతృత్వంలో ఉత్తరాంధ్ర చర్చా వేదిక నాయకులు మాజీ ప్రధాని మాన్మోహన్ సింగ్‌ను కలిశారు. విభజన సమయంలో ఆంధ్రప్రదేశ్‌కు ఇచ్చిన హామీల అమలు కాని విషయాన్ని మన్మోహన్ దృష్టికి తెచ్చారు.

హైదరాబాద్, జనవరి 30: తెలంగాణలో కల్తీ పాల విక్రయాలను అరికట్టేందుకు తీసుకుంటున్న చర్యలను వివరించాల్సిందిగా హైకోర్టు మంగళవారం నోటీసులు జారీ చేసింది. నల్లగొండ జిల్లాకు చెందిన కె నరసింహారావుదాఖలు చేసిన పిటిషన్‌ను హైకోర్టు పిల్‌గా స్వీకరించింది. ఈ పిటిషన్‌ను తాత్కాలిక ప్రధాన న్యాయమూర్తి జస్టిస్ రమేష్ రంగనాథన్, జస్టిస్ ఎంఎస్‌కె జైశ్వాల్‌తో కూడిన ధర్మాసనం ఈ పిల్‌ను విచారించింది.