హైదరాబాద్, మార్చి 23: తెలంగాణ శాసనసభ స్పీకర్‌పై కోర్టు ఉల్లంఘన కేసును హైకోర్టులో దాఖలు చేయనున్నట్లు టిటిఎల్‌పి నేత ఎ.రేవంత్‌రెడ్డి వెల్లడించారు. ఎమ్మెల్యేల అనర్హత పిటీషన్లపై 90 రోజుల్లోపుగా చర్యలు తీసుకోవాలని రాష్ట్ర హైకోర్టు ఇచ్చిన ఆదేశాలను పట్టించుకోని శాసనసభ స్పీకర్‌పై కేసు వేస్తున్నట్లు తెలిపారు. గురువారం అసెంబ్లీ మీడియా పాయింట్ వద్ద రేవంత్‌రెడ్డి మాట్లాడారు.

హైదరాబాద్, మార్చి 23: రిజిస్ట్రేషన్లశాఖ అవినీతికి నిలయంగా మారిందని, దీంతో రాష్ట్ర ఆదాయానికి కోట్లాది రూపాయల నష్టం వాటిల్లుతోందని శాసనసభలో పాలకపక్ష సభ్యుడు, మహబూబ్‌నగర్ ఎమ్మెల్యే వి శ్రీనివాస్‌గౌడ్ ఆరోపించారు. రిజిస్ట్రేషన్ల శాఖలో జరిగిన అవినీతి, అక్రమాలపై విచారణ జరిపించి బాధ్యులపై చర్యలు తీసుకోవాలని ఆయన డిమాండ్ చేశారు.

హైదరాబాద్, మార్చి 23: శాసనసభలో విద్యుత్‌శాఖ పద్దులపై జరిగిన చర్చ సందర్భంగా ప్రధాన మంత్రి నరేంద్ర మోదీని ఉద్దేశించి చేసిన వ్యాఖ్యలకు సభలో విద్యుత్‌శాఖ మంత్రి జి.జగదీశ్‌రెడ్డి క్షమాపణ చెప్పారు. శాసనసభ గురువారం ప్రారంభం కాగానే మంత్రి జగదీశ్‌రెడ్డి మాట్లాడుతూ సభలో తాను ప్రధాన మంత్రిని ఉద్దేశించి ఎలాంటి వ్యాఖ్యలు చేయలేదని, రికార్డులను కూడా పరిశీలించానన్నారు.

హైదరాబాద్, మార్చి 23: రాష్ట్రంలో విద్యా ప్రమాణాలు పడిపోతున్నాయని, జాతీయ సగటు అక్షరాస్యత కన్నా తెలంగాణలో అక్షరాస్యత తక్కువగా ఉందని, ఉపాధ్యాయులు లేక పోవడం వల్లనే ఈ పరిస్థితి తలెత్తిందని విపక్షాల సభ్యులు విమర్శించారు. వెంటనే డిఎస్‌సి నిర్వహించి ఉపాధ్యాయ ఖాళీలు భర్తీ చేయాలని డిమాండ్ చేశారు.