హైదరాబాద్/ చాంద్రాయణగుట్ట, మార్చి 24: కామంతో కళ్లుమూసుకుపోయిన దుర్మార్గులు బాలికపై సామూహిక అత్యాచారానికి పాల్పడ్డారు. వారం రోజులు పాటు జరిగిన ఈ దుర్మార్గం ఆలస్యంగా వెలుగుచూసింది. ఈ సంఘటన బంజారాహిల్స్ పోలీస్టేషన్ పరిధిలో చోటు చేసుకుంది. ఫిర్యాదు అందుకున్న పోలీసులు నిందితులు కోసం గాలిస్తున్నారు.

హైదరాబాద్/ఖైరతాబాద్, మార్చి 24: ప్రభుత్వం మొక్కుబడిగా పోస్టులను భర్తీచేసి చేతులు దులుపుకుంటోందని టిడిపి ఎమ్మెల్యే ఆర్.కృష్ణయ్య మండిపడ్డారు. 40వేల టీచర్ పోస్టులు ఖాళీగా ఉంటే కేవలం 8వేల 900పోస్టులను మాత్రమే భర్తీచేస్తామని మంత్రి కడియం శ్రీహరి ప్రకటించడం నిరుద్యోగులను దగా చేయడమేనని అన్నారు. టీచర్ పోస్టులను భర్తీ చేయకుండా ప్రభుత్వం ప్రైవేట్ విద్యాసంస్థల బలోపేతానికి కృషి చేస్తోందని విమర్శించారు.

హైదరాబాద్ / చాంద్రాయణగుట్ట, మార్చి 24: తెలంగాణ అసెంబ్లీ బడ్జెట్ సమావేశాల్లో మీడియా పాయింట్ వద్ద జరిగిన వాగ్వివాదంలో కామాటీపుర పోలీసు ఇన్‌స్పెక్టర్ సుధాకర్‌పై అనుచిత వ్యాఖ్యలు చేసినందుకుగాను మాజీ ఎంపి వి.హనుమంతరావుపై పోలీసులు కేసు నమోదు చేశారు. అసెంబ్లీ సమావేశాల్లో భాగంగా గురువారం మీడియా పాయింట్ ముందు డ్యూటీలో ఉన్న ఇన్‌స్పెక్టర్ సుధాకర్‌తో హనుమంతరావు దురుసుగా ప్రవర్తించారు.

హైదరాబాద్, మార్చి 24: తెలంగాణ పోలీసు శాఖకు ప్రతిష్ఠాత్మకమైన ‘గోల్డెన్ పీకాక్’ అవార్డు లభించింది. హైదరాబాద్ నగర పోలీసు విభాగం ‘హైద్‌కాప్’ అనే మొబైల్ యాప్ రూపొందించి ప్రజలకు మెరుగైన సౌకర్యాన్ని కల్పించినందుకు ఈ అవార్డు లభించిందని హైదరాబాద్ నగర పోలీసు కార్యాలయం ఒక ప్రకటనలో తెలిపింది.