హైదరాబాద్, ఫిబ్రవరి 26: ఎలాంటి గ్రేడ్ లేకుండా అనేక సమస్యలతో సతమతమవుతున్న ఉస్మానియా యూనివర్శిటీ (ఒయు) శతాబ్థి ఉత్సవాలను ఎలా నిర్వహిస్తారని టిటిడిపి వర్కింగ్ ప్రెసిడెంట్ ఎ.రేవంత్‌రెడ్డి ప్రశ్నించారు.
సమస్యలను పరిష్కరించకుండా ఉత్సవాల పేరుతో ఆడంబరాలకు పోవడం వల్ల విద్యార్థులకు ఒరిగిందేమిటని సిఎం కెసిఆర్‌ను నిలదీశారు.

హైదరాబాద్, ఫిబ్రవరి 26: ఇంటర్ మీడియట్ పరీక్షలు రాసే విద్యార్థుల కోసం ఇంటర్ మీడియట్ బోర్డు ఒక యాప్‌ను రూపొందించింది. పరీక్షా కేంద్రం ఎక్కడుందో తెలుసుకోవడానికి ఈ యాప్ విద్యార్థికి ఉపయోగపడుతుంది. పరీక్ష సెంటర్, అక్కడికి చేరుకునే దారి వంటి అన్ని వివరాలు ఈ యాప్ ద్వారా విద్యార్థికి ఉపయోగపడయని ఇంటర్ మీడియట్ బోర్డ్ కమీషనర్ అశోక్‌కుమార్ తెలిపారు.

హైదరాబాద్, ఫిబ్రవరి 26: రోడ్లు, భవనాలశాఖ ఇంజనీరింగ్ ఇన్ చీఫ్ (ఇఎన్‌సి) గణపతిరెడ్డి పదవీకాలాన్ని మరో మూడు సంవత్సరాల పాటు కొనసాగించడానికి ముఖ్యమంత్రి కె చంద్రశేఖర్‌రావు ఆమోదం తెలిపారు. ఈ మేరకు గణపతిరెడ్డి పదవీకాలాన్ని పొడిగించే ఫైల్‌పై ఆదివారం ముఖ్యమంత్రి సంతకం చేశారు.

నిర్మల్, ఫిబ్రవరి 26: తెలుగుదేశం పార్టీ నాయకుడు రేవంత్‌రెడ్డికి రాజకీయాల్లో ఓనమాలు కూడా తెలియవని, ఆయన ఓ బచ్చా అని రాష్ట్ర గృహనిర్మాణ, న్యాయ, దేవాదాయశాఖ మంత్రి అల్లోల ఇంద్రకరణ్‌రెడ్డి అభివర్ణించారు. ఆదివారం నిర్మల్ నియోజకవర్గంలో వివిధ అభివృద్ధి పనులను ప్రారంభించిన తర్వాత ఆయన మాట్లాడుతూ రేవంత్‌రెడ్డిపై విమర్శలు గుప్పించారు.