మెదక్: రాజీవ్ రహదారిపై బస్సులు ఆపడం లేదని, ఈ కారణంగా తాము కళాశాలలకు సమయానికి హాజరు కాలేక పోతున్నామని విద్యార్థులు మంగళవారం ఉదయం ధర్నా నిర్వహించారు. ఆర్టీసీ అధికారుల వైఖరి వల్ల తాము నష్టపోతున్నామని వారు తెలిపారు. విద్యార్థుల ధర్నాతో సుమారు రెండు కిలోమీటర్ల మేరకు ట్రాఫిక్ స్తంభించింది. పోలీసులు జోక్యం చేసుకొని విద్యార్థులతో మాట్లాడి ఆందోళన విరమింపజేశారు.

హైదరాబాద్, జనవరి 4: బిజెపి నాయకులకు దమ్ముంటే ప్రధానమంత్రితో మాట్లాడి హైదరాబాద్ అభివృద్ధికి 20వేల కోట్ల రూపాయల ప్యాకేజీ ఇప్పించాలని, అలా చేస్తే తాను బిజెపికి ఓటువేస్తానని టిఆర్‌ఎస్ ఎంపి కవిత సవాల్ చేశారు. సోమవారం ఖైరతాబాద్ నియోజకవర్గం పార్టీ సమావేశంలో ఆమె మాట్లాడారు. రాష్ట్రంలో విపక్షాలు అనవసర విమర్శలు చేయడమే పనిగా పెట్టుకున్నాయని అన్నారు.

సుల్తానాబాద్, జనవరి 4: రైతుల సంక్షేమమే ధ్యేయంగా సహకార సంఘాలు కృషి చేస్తున్నాయని, కరవును అధిగమించేందుకు గాను రైతులు ఆరుతడి పంటలు వేసుకోవాలని తెలంగాణ రాష్ట్ర సహకార అఫెక్స్ బ్యాంక్ చైర్మన్ కొండూరు రవీందర్ రావు అన్నారు.

మహబూబ్‌నగర్, జనవరి 4: ప్రజాసమస్యలను గాలికి వదిలి సొంత ఎజెండాలు, రాజకీయ అంశాలు తెరపైకి రావడంతో మహబూబ్‌నగర్ జిల్లా పరిషత్ సర్వసభ్య సమావేశం సభ్యుల వాగ్వాదాలు, ఆందోళనలతో దద్దరిల్లింది. సోమవారం జిల్లా పరిషత్ చైర్మన్ బండారి భాస్కర్ అధ్యక్షతన నిర్వహించిన జడ్పీ సమావేశానికి మంత్రి జూపల్లి కృష్ణారావుతో పాటు పలువురు ఎమ్మెల్యేలు, జిల్లాకు సంబంధించిన జడ్పీటిలు, ఎంపిపిలు హాజరయ్యారు.