వంద తుపాకులు గురిపెట్టినా వెనుకడుగు వేయని నియంతలు సైతం ఒక్క సిరాచుక్కను చూసి భయంతో వెనుదిరిగిన చరిత్ర పుస్తకానిది. సమాచార సాంకేతిక విజ్ఞాన రంగం ఎంతగా విస్తృతమైనా పుస్తకం తన ఉనికిని కోల్పోలేదు. జ్ఞాన కేంద్రాలైన ఈ పుస్తకాల్లోనే ప్రపంచం పొదిగి ఉంటుంది. పుస్తకాల్లో పండే జ్ఞాన పంటలు సమాజానికి ఎప్పటికీ సరికొత్త దిశ-దశలను నిర్దేశిస్తాయనేది వాస్తవం.

సత్తిరాజు లక్ష్మీనారాయణ అంటే ఇప్పటికీ చాలామందికి తెలియకపోవచ్చు. ‘బాపు’ అంటే టక్కున గుర్తు పట్టేస్తారు. అదేంటో! అసలు... ‘పేరు’ వచ్చిన చాలామందికి, ‘అసలు పేరు’ మరుగున పడిన సందర్భాలు ఇలానే ఉంటుంటాయ్!

డబ్బు లేనిదే రోజు గడవదు..
చేతిలో నగదు లేకపోతే నరకమే..
జేబులో కరెన్సీ ఉంటే మన పోజులే వేరు..
ఇక కట్టలు దాచినవాడి దర్పమే వేరు...

కానీ చేతిలో చిరిగిన నోటు...
చెల్లని కరెన్సీ ఉన్నా.. లేకున్నా ఒక్కటే..
చిత్తుకాగితం పాటి చేయదు మన విలువ.
ఈ తత్వం ఇపుడు అనుభవంలోకి వచ్చింది అందరికీ.

చందమామ రావే..
జాబిల్లి రావే...
కొండెక్కి రావే..
కోటిపూలు తేవే...
-అని ఎవరైనా పిలిచారో ఏమో...
వచ్చేస్తున్నాడు పూర్ణచంద్రుడు మనచెంతకు...
మనవారి పిలుపు విని ఉబ్బితబ్బిబ్బయ్యాడో ఏమో..
ఎప్పటికన్నా పెద్దగా కన్పించబోతున్నాడు..
పిల్లల మోముల్లో వెలుగు చూశాడో ఏమో
అతడి మోమూ దివ్యకాంతులు విరజిమ్మబోతోంది.