తిరుమల, జూలై 2: అఖిలాండకోటి బ్రహ్మాండనాయకుడైన తిరుమల శ్రీ వేంకటేశ్వర స్వామి దర్శనార్థం విచ్చేసే భక్తులకు మరింత మెరుగైన సౌకర్యాలు కల్పించేందుకు కలకత్తాకు చెందిన ప్రకాష్ చౌదరి అనే భక్తుడు రెండు బస్సులకు విరాళంగా అందించారు. శనివారం ఉదయం శ్రీవారి ఆలయం సమీపాన ఉన్న వైభవోత్సవ మండపం వద్ద బస్సులకు సంబంధించిన తాళాలను దాత తిరుమల జె ఇ ఓ శ్రీనివాసరాజుకు అందించారు.

తిరుపతి, జూలై 2: పాతతరం వైద్యుల అనుభవాలను నేటి యువ వైద్యులు అందిపుచ్చుకొని రోగులకు సేవలందిస్తే వృత్తికి సార్థకత చేకూరుతుందని ఐ ఎం ఎ తిరుపతి శాఖ అధ్యక్షురాలు, ప్రముఖ మధుమేహ వ్యాధి నిపుణురాలు, హర్షిత హాస్పిటల్ అధినేత్రి డాక్టర్ కృష్ణప్రశాంతి పిలుపునిచ్చారు.

తిరుపతి, జూలై 2: ఎర్రచందనం దుంగలను అక్రమ రవాణాలో సహకరించిన వారికి, పాల్పడుతున్న వారికి కఠిన శిక్షలు తప్పవని ఆ దిశగా చట్టాలు రూపొందించడం జరిగిందని, వీటిపై ప్రతి అధికారి అవగాహన పెంచుకోవాలని రాయలసీమ డి ఐజి ప్రభాకర్‌రావు, అర్బన్ ఎస్పీ జయలక్ష్మిలు అన్నారు.

అనంతపురం సిటీ, జూలై 2: దేశ వ్యాప్తంగా కలకలం రేపుతున్న ఉగ్రవాదుల కదలికలు జిల్లాలో ఉన్నట్లు సమాచారం తెలుసుకున్న పోలీసులు నగరంలో శనివారం నుండి ముమ్మర తనిఖీలు చేపట్టారు. రాష్ట్రంలోని ప్రధాన నగరాల్లో ఉగ్రవాదుల కార్యకలాపాలు తీవ్రంగా ఉన్నట్లు ఇంటిలిజెన్సీ సమాచారంతో జిల్లాలో కూడా పలుచోట్ల పోలీసులు తనిఖీలను చేపట్టారు.