నల్లగొండ, జూలై 2: కరవు, పర్యావరణ సమస్యలను దూరం చేసి సమాజంలోని అందరి భవిష్యత్‌ను పరిరక్షించేందుకు తెలంగాణలో అడవుల విస్తీర్ణం 25శాతం నుండి 33శాతం పెంచేందుకు సిఎం కెసిఆర్ నేతృత్వంలోని తెలంగాణ ప్రభుత్వం హరిత హారం కార్యక్రమం చేపట్టిందని రాష్ట్ర విద్యుత్ శాఖ మంత్రి జి.జగదీష్‌రెడ్డి అన్నారు.

రాజమహేంద్రవరం, జూలై 2: సాగునీటి వ్యవస్థలో ఎంతో కీలకమైన తూర్పుగోదావరి జిల్లా ధవళేశ్వరం వద్ద కాటన్ బ్యారేజ్ అధికారుల అలక్ష్యానికి గురైంది. కీలకమైన బ్యారేజ్ గేట్ల బ్రేక్ కాయిల్స్ మాయం కావడం, ముగ్గురు ఎఇలు సస్పెండ్ కావడం ఇందుకు అద్దంపడుతోంది. బ్యారేజ్‌కు ప్రస్తుతం నిర్వహణ పనుల్లో భాగంగా మరమ్మతులను రూ.29 కోట్లతో చేపట్టారు. ఈ పనుల్లో నాణ్యతాలోపం చోటుచేసుకుందని ఆరోపణలు వ్యక్తమవుతున్నాయి.

మెదక్, జూలై 2: కేంద్ర ప్రభుత్వ నిర్లక్ష్యంతో, ఆంధ్రప్రదేశ్ ముఖ్యమంత్రి చంద్రబాబు కుట్రతో హైకోర్టు విభజన జరగడం లేదని టిఎన్‌జివోస్ మెదక్ జిల్లా కార్యదర్శి మేడిశెట్టి శ్యామ్‌రావు ఆరోపించారు. మెదక్ సబ్ కోర్టు జూడిషియల్ ఎంప్లాయిస్ సమ్మె శనివారం నాటికి రెండవ రోజుకు చేరుకుంది. ఈ సమ్మెకు టిఎన్‌జివోస్ సంఘం సంఘీభావం ప్రకటించింది.

సంగారెడ్డి టౌన్, జూలై 2: రాష్ట్రంలో జరుగుతున్న అభివృద్ధి చూసి ఒర్వలేక ప్రభుత్వంపై తప్పుడు ఆరోపణలు చేయడం సరికాదని సంగారెడ్డి ఎమ్మెల్యే చింతా ప్రభాకర్ పేర్కొన్నారు. రెండేళ్ల పాలనలో జరిగిన అభివృద్ధి ఏమిటో కాంగ్రెస్ నాయకుల కండ్లకు కనిపించడం లేదా అన్ని ప్రశ్నించారు. జరిగిన అభివృద్ధిపై చర్చకు సిద్ధమా అంటూ కాంగ్రెస్‌కు సవాల్ విసిరారు.