హైదరాబాద్, డిసెంబర్ 1: వివిధ ప్రభుత్వ సంస్థలు, శాఖల కింద ఉన్న గోదాములు అన్నింటిని ఒకే గొడుగు కిందకు తీసుకు రావాలని మార్కెటింగ్ శాఖ మంత్రి తన్నీరు హరీశ్‌రావు సూచించారు. దీనిని ఆచరణలోనికి తీసుకు రావడానికి కార్యాచరణ కోసం ఏడుగురు సభ్యులతో కమిటీని వేశారు. సచివాలయంలో గురువారం మంత్రి సమీక్ష జరిపారు.

విజయవాడ (క్రైం), డిసెంబర్ 1: గుంటూరు బ్యాంకు క్యూలైన్లలో నగదు కోసం నిరీక్షిస్తున్న సామాన్యులపై పోలీసుల దాడులను ఆంధ్రప్రదేశ్ రాష్ట్ర డిజిపి నండూరి సాంబశివరావు ఖండించారు. అనంతపురం ఘటనపై పోలీసుశాఖ తరఫున ఆయన ప్రజలకు క్షమాపణ చెప్పారు. గుంటూరులోని నగరం పాలెం, పాత గుంటూరు పోలీస్టేషన్లను ఆదర్శ పోలీస్టేషన్లుగా నిర్మిస్తూ జరుగుతున్న పనులను గురువారం తనిఖీ చేశారు.

భీమవరం, డిసెంబర్ 1: సంక్రాంతి సంప్రదాయం ముసుగులో ఏటా జరిగే కోడి పందాల జాతరకు పశ్చిమ గోదావరి జిల్లాలో అప్పుడే సన్నాహాలు మొదలయ్యాయి. పందాలకు అవసరమైన కోడిపుంజుల పెంపకం ఈ జిల్లాలో కుటీర పరిశ్రమగా వర్థిల్లే విషయం అందరికీ తెలిసిందే. ఇప్పటికే డెల్టా ప్రాంతంలోని పలు రహస్య ప్రాంతాల్లో కోడిపుంజుల పెంపకం జోరుగా సాగుతోంది. ఇక కోట్లలో జరిగే ఈ పందాల్లో రూ.500, రూ.1000 నోట్లే చెలామణీ అవుతాయి.

హైదరాబాద్, డిసెంబర్ 1: ఆంధ్రప్రదేశ్‌లో చెరువుల నుంచి ఇష్టం వచ్చినట్లు పూడికను వెలికి తీసేందుకు అధికారులు అనుమతి ఇవ్వడం పట్ల హైకోర్టు అసంతృప్తి వ్యక్తం చేసింది. గుంటూరు నగరంలోని పోతూరు చెరువు నుంచి పూడికను తీసి అక్రమంగా విక్రయిస్తున్నట్లు వచ్చిన అభియోగాలపై అఫిడవిట్‌ను దాఖలు చేయాలని హైకోర్టు గుంటూరు జిల్లా కలెక్టర్‌ను ఆదేశించింది.