S ,7 à 8 RSCA (si SASPAS) et 6 cialis pharmacie cialis rapports de stage.

ఆంధ్రప్రదేశ్‌

09/08/2016 - 16:29

విశాఖపట్టణం : ప్రత్యేక హోదాతోనే యువతకు భవిష్యత్ ఉందని కాంగ్రెస్ రాజ్యసభ సభ్యుడు కేవీపీ రామచంద్రరావు గురువారం విలేకరులతో పేర్కొన్నారు. కేంద్ర, రాష్ట్ర విధానాలను నిరసిస్తూ ఈనెల 10న హైవేలను దిగ్భంధిస్తామన్నారు. సొంత ప్రయోజనాల కోసమే సీఎం చంద్రబాబు రాష్ట్రాన్ని తాకట్టుపెట్టారని, విజయవాడకు రైల్వేజోన్‌ తరలింపు కూడా ప్రాంతాల మధ్య చిచ్చుపెట్టడమేనన్నారు.

09/08/2016 - 16:11

హైదరాబాద్: ఎపికి ప్రత్యేక ప్యాకేజీ ఇస్తున్నట్లు కేంద్ర ఆర్థికమంత్రి అరుణ్‌జైట్లీ చేసిన ప్రసంగాన్ని స్వాగతిస్తున్నట్లు సిఎం చంద్రబాబు అనడం సముచితంగా లేదని, ఆ వ్యాఖ్యలను ఆయన వెంటనే ఉపసంహరించుకోవాలని వైకాపా అధ్యక్షుడు జగన్ డిమాండ్ చేశారు. ఎపి అసెంబ్లీ వాయిదా పడిన అనంతరం ఆయన మీడియాతో కాసేపు మాట్లాడుతూ, మోదీ మంత్రివర్గంలో ఉన్న తన ఇద్దరు మంత్రుల చేత చంద్రబాబు రాజీనామాలు చేయించాలన్నారు.

09/08/2016 - 15:49

విజయనగరం : పార్వతీపురం పోలీసులు గురువారం 500 మత్తు ఇంజక్షన్లను స్వాధీనం చేసుకున్నారు. దంగిరెడ్డి గణేష్ అనే వ్యక్తి ఒరిస్సా నుంచి విశాఖపట్నానికి మత్తు ఇంక్షన్లను తరలిస్తున్నాడని సమాచారం అందుకున్న పోలీసులు మార్గమధ్యలో అతన్ని పట్టుకుని, 500 మత్తు ఇంజక్షన్లను స్వాధీనం చేసుకుని కేసు నమోదు చేశారు.

09/08/2016 - 14:55

హైదరాబాద్: ఎపి అసెంబ్లీ సమావేశాల్లో సిఎం చంద్రబాబు జిఎస్‌టి బిల్లును ప్రవేశపెట్టి ప్రసంగిస్తుండగా విపక్ష వైకాపా ఎమ్మెల్యేలు గందరగోళం సృష్టించారు. గురువారం శాసనసభలో వైకాపా సభ్యుల ప్రవర్తనపై సిఎం చంద్రబాబు తీవ్రస్థాయిలో మండిపడ్డారు. కీలకమైన బిల్లుపై తాను వివరిస్తుండగా వైకాపా సభ్యులు సభ్యత మరచి నినాదాలు చేయడాన్ని చంద్రబాబు విమర్శించారు.

09/08/2016 - 14:55

అనంతపురం: ఎపికి ప్రత్యేకహోదా విషయంలో కేంద్రం మరోసారి రాష్ట్ర ప్రజలను వంచించిందని ఆగ్రహం వ్యక్తం చేస్తూ అనంతపురం జిల్లాలో గురువారం కాంగ్రెస్ కార్యకర్తలు, నాయకులు ఆందోళనలు చేపట్టారు. పలు చోట్ల రాస్తారోకోలు, ధర్నాలు చేపట్టారు. మడకశిరలో ఎపి పిసిసి అధ్యక్షుడు రఘువీరారెడ్డి నేతృత్వంలో కార్యకర్తలు మానవహారంగా ఏర్పడి కేంద్రం తీరుపై నిరసన తెలిపారు.

09/08/2016 - 14:55

హైదరాబాద్: రాష్ట్ర ప్రయోజనాలను ఆశించి ప్రత్యేక హోదాను సాధించేందుకు ఎట్టి పరిస్థితుల్లోనూ రాజీ పడే ప్రసక్తే లేదని మంత్రి యనమల రామకృష్ణుడు స్పష్టం చేశారు. ఆయన గురువారం అసెంబ్లీ మీడియా పాయింట్ వద్ద మాట్లాడుతూ, ప్రత్యేక హోదా కోసం కేంద్రంపై అన్ని రకాలుగా ఒత్తిడి పెంచుతామన్నారు. అరుణ్ జైట్లీ చేసిన ప్రకటనలో పోలవరం ప్రాజెక్టుకు పూర్తిగా కేంద్రం నిధులిస్తామనడం శుభ పరిణామన్నారు.

09/08/2016 - 14:54

విశాఖ: విభజన చట్టంలో హామీ ఇచ్చినట్లు విశాఖలో రైల్వే జోన్ ఏర్పాటు చేయకుంటే ఇక లోక్‌సభ సమావేశాలకు హాజరయ్యే ప్రసక్తే లేదని అనకాపల్లి టిడిపి ఎంపీ అవంతి శ్రీనివాస్ గురువారం ప్రకటించారు. విశాఖలో రైల్వే జోన్ ఏర్పాటుచేయాలంటూ ఇక్కడి జివిఎంసి కార్యాలయం ఎదుట గాంధీ విగ్రహం వద్ద ఆయన నిరసన దీక్ష ప్రారంభించారు.

09/08/2016 - 14:52

హైదరాబాద్ : జీఎస్టీ బిల్లును ఏపీ శాసనసభ గురువారం ఏకగ్రీవంగా ఆమోదించింది. ఈ బిల్లును ముఖ్యమంత్రి చంద్రబాబు నాయుడు సభలో ప్రవేశపెట్టారు. విపక్ష సభ్యుల నిరసనల మధ్యే బిల్లు ఆమోదం పొందింది. ఈ సందర్భంగా చంద్రబాబు మాట్లాడుతూ సభలో విపక్ష సభ్యులు సభ్యత లేకుండా ప్రవర్తిస్తున్నారని, గొడవ చేయడమే పనిగా పెట్టుకోవడం మంచిదికాదన్నారు.

09/08/2016 - 14:36

హైదరాబాద్ : ఏపీ శాసనమండలిలో జీఎస్టీ బిల్లును మంత్రి అచ్చెన్నాయుడు గురువారం మధ్యాహ్నం ప్రవేశపెట్టారు. ఈ సందర్భంగా సి.రామచంద్రయ్య మాట్లాడుతూ జీఎస్టీ వల్ల ఆర్థిక వ్యవస్థలో భారీ మార్పులు వస్తాయనే సూచనలు కనబడటంలేదని అన్నారు. 5, 6 శాతం ట్యాక్స్‌లు పెరిగే అవకాశం ఉందని, అభిప్రాయపడ్డారు. రాష్ట్ర ప్రభుత్వాలపై కేంద్ర పెత్తనాన్ని వ్యతిరేకిస్తున్నామని అన్నారు.

09/08/2016 - 14:34

హైదరాబాద్: డబుల్ టాక్సేషన్‌ను విధానికి స్వస్థి చెప్పే కొత్త చట్టమే జీఎస్టీ అని, భవిష్యత్‌లో ఆర్థిక వ్యవస్థకు ఈ బిల్లు బలమైన ఊతం అందిస్తుందని సీఎం చంద్రబాబు గురువారం ఆంధ్రప్రదేశ్ శాసనసభలో అన్నారు. ఈ బిల్లు ద్వారా వినియోగదారులు పన్ను భారం తగ్గే అవకాశం ఉందని, ధరలు కూడా తగ్గే పరిస్థితి ఉంటుందని తెలిపారు. జీఎస్టీ బిల్లును సభలో ప్రవేశపెట్టిన సీఎం చంద్రబాబు బిల్లుపై చర్చించారు.

Pages