నంద్యాల, ఏప్రిల్ 22: రాష్ట్రంలో శాంతిభద్రతల పరిరక్షణకు ప్రభుత్వం అత్యంత ప్రాధాన్యత ఇస్తోందని, స్నేహపూర్వక పోలీసు వ్యవస్థకు కృషి చేస్తున్నట్లు హోంమంత్రి నిమ్మకాయల చిన రాజప్ప అన్నారు. శనివారం కర్నూలు జిల్లా నంద్యాల పట్టణంలో పోలీసుల వసతి గృహాలను ఆయన ప్రారంభించారు. అనంతరం ఏర్పాటు చేసిన సమావేశంలో రాజప్ప మాట్లాడుతూ రాష్ట్రంలో శాంతిభద్రతలు మెరుగుపడ్డాయన్నారు.

అనంతపురం, ఏప్రిల్ 22 : రాయలసీమ రైతుల పాలిట వరప్రదాయిని అయిన హంద్రీనీవా సుజల స్రవంతి(హెచ్‌ఎన్‌ఎస్‌ఎస్) ప్రధాన కాలువ ఫేజ్-1ను వెడల్పు చేయడానికి రాష్ట్ర ప్రభుత్వం ఎట్టకేలకు పరిపాలనా పరమైన అనుమతులు ఇవ్వడంతో సీమ రైతుల్లో ఆశలు చిగురించాయి. ముఖ్యంగా నిత్య కరవు కాటకాలతో కునారిల్లుతున్న అనంతపురం జిల్లాకు హంద్రీనీవా కాలువ వెడల్పు ద్వారా సాగు, తాగునీరు లభించి అత్యంత ప్రయోజనం చేకూరే అవకాశం ఉంది.

అమరావతి, ఏప్రిల్ 22: ఇరు ప్రాంతాలు పరస్పరం లబ్ధిపొందేలా స్థానిక వ్యవసాయ ఉత్పత్తుల ఎగుమతులు, దిగుమతులు పెద్దఎత్తున జరుపుకోవాలని రాష్ట్ర ప్రభుత్వం, రష్యాలోని చెల్యాబినిస్క్ ప్రభుత్వం ఒక అభిప్రాయానికి వచ్చాయి. ముఖ్యంగా మన రాష్ట్రం నుంచి వరి, మామిడి, మసాలా దినుసులు, సిరామిక్ తదితర ఉత్పత్తులను ఎగుమతి చేయాలని ఆంధ్రప్రదేశ్ ప్రభుత్వం నిర్ణయించింది.

హైదరాబాద్, ఏప్రిల్ 22: తూర్పుగోదావరి జిల్లాకు చెందిన సీనియర్ కాంగ్రెస్ నాయకురాలు, మాజీ ఎమ్మెల్యే పాముల రాజేశ్వరి దేవి వైఎస్‌ఆర్ కాంగ్రెస్ పార్టీలో చేరారు. శనివారం నాడిక్కడ పార్టీ కేంద్ర కార్యాలయంలో ఆ పార్టీ అధ్యక్షుడు వైఎస్ జగన్మోహన్‌రెడ్డి సమక్షంలో పార్టీ తీర్థం పుచ్చుకున్నారు. రాజేశ్వరి చేరికతో తూర్పుగోదావరి జిల్లాల్లో పార్టీకి మరింత బలం పెరుగుతుందని జగన్ ఈ సందర్భంగా వ్యాఖ్యానించారు.