హైదరాబాద్: శ్రీశైలం భ్రమరాంబికా మల్లికార్జున స్వామి ఆల యం, విజయవాడ కనకదుర్గ గుడి అభివృద్ధికి బృహత్తర ప్రణాళికలపై సిఎం చంద్రబాబునాయుడు సచివాలయంలో సమీక్షించారు. శ్రీశైలం ఆలయాన్ని అత్యున్నతంగా తీర్చిదిద్దాలని, కృష్ణా పుష్కారాలలోగా ప్రణాళికలు అమలు జరగాలని ఆదేశించారు. శ్రీశైలం ఆలయం కేంద్ర బిందువుగా సమీపంలోని ఐదు వేల ఎకరాల విస్తీర్ణంలో నాలుగు లేదా ఐదు టౌన్‌షిప్‌లను అభివృద్ధి చేయాలని కోరారు.

విజయవాడ: 3అమరావతి2కి శంకుస్థాపన జరిగే వరకూ రాజధాని నిర్మాణాలకు పూర్తి సహకారాన్ని అందిస్తామన్న విదేశీ కంపెనీలు ఇప్పడిప్పుడే తమ నిజ స్వరూపాన్ని బయటపెడుతున్నాయి. అమరావతి నిర్మాణంలో కీలక భాగస్వాములమవుతామన్న సింగపూర్ ప్రతినిధులు గొంతెమ్మ కోర్కెలు కోరుతున్నారు. శంకుస్థాపనకు ముందే జపాన్ అమరావతి గురించి భారత విదేశీ వ్యవహారాల నుంచి వివరాలు అడిగి తెలుసుకున్నట్టు సమాచారం.

అనంతపురం/కడప, మార్చి 22 : రాయలసీమ జిల్లాల్లో భానుడు ప్రతాపం చూపుతున్నాడు. ఎండ తీవ్రతకు సీమ జిల్లాల్లో రోడ్లు నిప్పులకొలిమిని తలపించడంతో ప్రజలు బెంబేలెత్తిపోయారు. కర్నూలు జిల్లా అవుకు, కడప జిల్లా చిట్వేలు మండలాల్లో మంగళవారం 46 డిగ్రీల సెల్సియస్ ఉష్ణోగ్రతలు నమోదయ్యాయి. వడబెబ్బకు ఐదుగురు మృతి చెందారు. కడప జిల్లాలో ముగ్గురు, అనంతపురం జిల్లాలో ఒకరు, గుంటూరు జిల్లా తెనాలిలో ఒకరు మృతి చెందారు.

చింతూరు, మార్చి 22: ఛత్తీస్‌గఢ్ రాష్ట్రం సుకుమా జిల్లాలో మావోయిస్టులు పోలీస్ ఇన్‌ఫార్మర్ల నెపంతో వేర్వేరు ప్రాంతాల్లో ఇద్దరు వ్యక్తులను మంగళవారం హతమార్చారు. వివరాలిలావున్నాయి. సుకుమా జిల్లా సోలంపల్లి గ్రామానికి చెందిన కిచ్చే ముక్కా (42) పొలం పనులు ముగించుకుని ఇంటికి వస్తుండగా మావోయిస్టులు కత్తులతో దాడిచేసి హతమార్చారు. ముక్కా గతంలో మావోయిస్టులను ఏరివేసేందుకు ఏర్పడిన సల్వాజుడుంలో పనిచేశాడు.