న్యూఢిల్లీ, జూలై 24: పాత పెద్ద నోట్ల రద్దు, వస్తు, సేవల పన్ను (జిఎస్‌టి)కు ప్రజల నుంచి పెద్ద ఎత్తున మద్దతు లభించిందని ప్రధాన మంత్రి నరేంద్ర మోదీ తెలిపారు. ‘డీమానిటైజేషన్, జిఎస్‌టి వంటి చారిత్రక నిర్ణయాలకు ప్రజల నుంచి మునుపెన్నడూ లేనివిధంగా మద్దతును అందుకున్నాం.’ అని సోమవారం రాజస్థాన్‌కు చెందిన ఓ ఎంపీల బృందంతో మోదీ అన్నట్లు అధికారిక ప్రకటన విడుదలైంది.

న్యూఢిల్లీ, జూలై 24: హెచ్‌డిఎఫ్‌సి బ్యాంక్ నికర లాభం ఈ ఆర్థిక సంవత్సరం (2017-18) తొలి త్రైమాసికం (ఏప్రిల్-జూన్)లో గతంతో పోల్చితే 20.22 శాతం పెరిగి 3,893.84 కోట్ల రూపాయలుగా నమోదైంది. గత ఆర్థిక సంవత్సరం (2016-17) ఏప్రిల్-జూన్‌లో ఇది 3,238.91 కోట్ల రూపాయలుగా ఉంది. ఇక ఆదాయం ఈసారి 22,185.38 కోట్ల రూపాయలుగా ఉంటే, పోయినసారి 19,322.63 కోట్ల రూపాయలుగా ఉందని సోమవారం తెలిపింది.

ముంబయి, జూలై 24: దేశీయ స్టాక్ మార్కెట్లు సోమవారం సరికొత్త రికార్డు స్థాయిలకు చేరుకున్నాయి. అటు బాంబే స్టాక్ ఎక్స్‌చేంజ్ సూచీ సెనె్సక్స్, ఇటు నేషనల్ స్టాక్ ఎక్స్‌చేంజ్ సూచీ నిఫ్టీ రెండూ కూడా నూతన శిఖరాలను అధిరోహించాయి.

న్యూఢిల్లీ, జూలై 23: దేశీయ రెండో అతిపెద్ద ఫాస్ఫటిక్ ఫర్టిలైజర్ తయారీదారు కోరమాండల్ ఇంటర్నేషనల్.. ఆంధ్రప్రదేశ్‌లోని విశాఖపట్నం వద్దగల తమ ప్లాంట్ ఉత్పత్తి సామర్థ్యం పెంపునకు కావాల్సిన పర్యావరణ అనుమతులను పొందింది. వైజాగ్‌లోని శ్రీహరిపురం ప్లాంట్ విస్తరణకు కోరమాండల్ 225 కోట్ల రూపాయలను ఖర్చు చేస్తోంది.