ఆంధ్రప్రదేశ్ ఆర్థిక నిర్వహణపై ‘కాగ్’ వెలిబుచ్చిన అభిప్రాయాలు పరిగణనలోకి తీసుకోదగ్గవి. విభజనానంతరం ఏపీ అనేక ఆర్థిక ఇబ్బందుల్లో ఉంది. ఇలాంటి గడ్డుకాలంలో మరింత క్రమశిక్షణ అవసరం. పైసాపైసా సమర్ధవంతంగా ఖర్చుచేయాల్సిన సందర్భం ఇది. ‘కాగ్’ లెక్కలు చూస్తుంటే అందుకు పూర్త్భిన్నమైన వాతావరణాన్ని చూపిస్తున్నాయి. మిగతా రాష్ట్రాల కన్నా ఖర్చులో విచ్చలవిడితనం, బాధ్యతారాహిత్యం కనిపిస్తున్నాయి.

తప్పుడు వార్తలు రాసే పాత్రికేయులకు దండన తప్పదంటూ కేంద్ర సమాచార శాఖ మంత్రి స్మృతి ఇరానీ అందుకు తగ్గ విధి విధానాలు ప్రకటించారు. పత్రికా రంగానికే కాక మొత్తం సమాజానికి జరుగబోయే కీడును శంకించిన ప్రధాని వెంటనే అందుకు అడ్డం పడి ఎంతో మేలు చేశారు. నరేంద్రుని మంత్రివర్గంలో జరిగిన ఈ ఉదంతం- ఇంద్రుని సభలో జరిగిన ఘటనను గుర్తుకుతెస్తోంది. ఆ వృత్తాంతం ఏమనగా...

మనిషి మనుగడకు నీరు ఎంత ముఖ్యమో చెప్పాల్సిన పని లేదు. ప్రతి వ్యక్తి రోజుకు ఆరు లీటర్ల పరిశుభ్రమైన మంచినీళ్ళు తాగాలని ప్రపంచ ఆరోగ్య సంస్థ ఏనాడో సూచించింది. వేసవికాలం ఆరంభంలోనే తెలంగాణలో మంచినీటికి కటకట ఏర్పడి ప్రజలు ఇబ్బందులెదుర్కొంటున్నారు. ఇప్పుడే నీటికొరత ఈ విధంగా ఉంటే మే, జూన్‌లలో పరిస్థితి ఏమిటి? తాగునీటి సమస్య పట్ల ప్రభుత్వం ఉదాసీనత ప్రదర్శించడం క్షంతవ్యం కాదు.

ప్రభుత్వ కార్యాలయాలు, ప్రభుత్వ రంగ సంస్థలలో పనిచేసే ఒప్పంద, కంటింజెంట్ ఉద్యోగులు తమ సర్వీసులు క్రమబద్ధం కావాలంటూ దశాబ్దాల తరబడి నిరీక్షిస్తున్నారు. ఆంధ్రప్రదేశ్ ప్రభుత్వం ఉత్తర్వు 143 (తే 16- 3-1984దీ) ప్రకారం ఐదు సంవత్సరాలు సేవలు పూర్తిచేసిన వారిని , ప్రస్తుతం పనిచేసేవారిని (ఐదేళ్లు నిండగానే) పర్మనెంట్ చేయాలని స్పష్టం చేస్తోంది. సుమారు లక్షా పాతికవేలమందికి ఉద్యోగ భద్రత ఏర్పడింది.