S ,7 à 8 RSCA (si SASPAS) et 6 cialis pharmacie cialis rapports de stage.

Others

11/26/2019 - 22:57

వేలాడే తోటల్లో
మధురాలను అనే్వషిస్తూ
తనది కానిచోట
తన ఉనికికై
ఉన్నతికై...

వేసంగి సుడిగాలుల్లో రేగుతున్న
ఇసుక తుపానులో
చెల్లని కాగితమల్లే సుడులు తిరుగుతూ
ఆత్మాభిమానం తాకట్టులో చేస్తోంది
గులాంగిరీ!

11/26/2019 - 22:55

ఓ చిన్ని పువ్వా, క్షమించు!
మహా వృక్షాన్ని అనుకున్నాను,
ఒక సుకుమారమైన పచ్చని మొక్కను కాకపోతిని...

ఓ బుజ్జి నీటిబిందువా, క్షమించు!
మహా నదిని అనుకున్నాను,
ఒక చిటపట వాన చినుకును కాకపోతిని..

ఓ చిరు నిప్పురవ్వా, క్షమించు!
మహా సూర్యబింబాన్ని అనుకున్నాను,
ఒక మంగళ దీపాన్ని కాకపోతిని...

11/26/2019 - 22:54

నగరం నాలో నిద్ర పోతుందేమో బహుశా
నేను నిద్ర మేల్కొనగానే నాతోపాటు మేల్కొంటుంది
నగరం నాలో పరుగుపెడుతుందేమో బహుశా
నేను ఆఫీసుకు వెళ్లేప్పుడు నాతోపాటు
పరుగు పెడుతుంది
నగరం నాలో తన శతసహస్ర బాహువుల్ని దాచిపెట్టిందేమో బహుశా
నేను పనిచేసేప్పుడు నాతోపాటు పనిచేస్తుంది
ఇప్పుడు నగరంలో నేనున్నానా?
నాలో నగరముందా?
చర్చించాల్సిన విషయమే కాదు -

11/26/2019 - 22:52

కఠినమైన శిలలు సైతం
గాలివాటానికో,
నది ఊతానికో చలిస్తుంటయ

మోడువారిన మ్రానులు సైతం
వరుణుడి ప్రభావానికో
ప్రకృతి స్వభావానికో చిగురిస్తుంటయ

జ్ఞానం లేని జంతువులు సైతం
కడుపు మంటకో
కన్నపేగుకో సంచరిస్తుంటయ

అండంలోని పిండం సైతం
జీవన గమనానికి
పెంకును పగులగొట్టి మరీ
ప్రపంచంలోకి అడుగులేస్తుంటయ

11/19/2019 - 22:17

మట్టిగోడల ఇళ్ళు
కూటికుండ తిళ్ళు
నులక మంచాల పవ్వళ్ళు
ఆటల సంద్రంలో ఈదిన
ఆహ్లాదాల సాయంత్రపు పడవలు
బాధ్యతగా భుజాలకెత్తుకున్న
అనుబంధాల కాశీ కావిళ్లు
లోటన్నది తెలియక గడిచిన
ఘనమైన రోజులు
జోరు వర్షంలో
మంజురు మీదుగా రాలుతున్న
ముత్యపు చినుకుల్ని
అరచేతుల్లోంచి తుళ్లించే
అమాయకపు నవ్వులు
కలల పండగల్ని ఆహ్వానించి

11/19/2019 - 22:17

నిజానికి కొందరికి
దుఃఖం విడిగా రాదు
సుఖాల వెంపర్లాటలో
అదృశ్యంగా వెంటాడుతది

లక్షల కోట్లు వెనకేసుకున్న వాడికి
సుఖమెప్పుడూ ఎండమావే
పరుగెత్తినంతకాలం
జైళ్ళు నోళ్ళు తెరుస్తాయ

బుకాయంపుల వెనక
చిదంబర రహస్యాలేముంటాయ?
తప్పించుకునే యత్నంలో
దింపుడు కల్లం ఆశలే!

11/19/2019 - 22:09

అదిగో
ఆ కటిక శిలను
సజీవ శిల్పంగా చెక్కిందెవరు

ఆ కణుపుల వెదురును
సప్తస్వర మురళిగా
మలిచిందెవరు?

ఆ నూలు పోగుల
సుందర వస్త్రంగా
అల్లిందెవరు?

ఆ కఱ్ఱదుంగను
అందాల బొమ్మగా
రూపమిచ్చిందెవరు?
ఆ బురదమట్టిని
దాహార్తిని తీర్చు పాత్రగా
తీర్చిదిద్దిందెవరు?

ఆ ఇనుమును
మానవ పనిముట్టుగా
మార్చిందెవరు?

11/19/2019 - 22:06

ముక్కు మీది వేలు లేదు
గడియారంలోని ముల్లు లేదు
సర్పాలు తలపాగాల్లా అల్లుకుంటున్నాయ
తెగిపోతున్న వేళ్లు
అరచేతి జాతరలో -
గోడల్లేని ఇంట్లో
తుపాను పాయసం ఆరగింపు!
ఉల్లి పొరల్లా వస్త్రాలు ఊడిపోతున్నాయ
చేపలు పట్టే వలలోనే
చేపల్లా తనువులు హత్యీకరణ
అ, ఆ ల, ఓనమాల గులాబీలు
రక్తం కక్కుతున్నాయ!
గరిక మొలకెత్తని దిబ్బలు లేస్తున్నాయ!

11/19/2019 - 22:00

వివేక చూడామణి (తెలుగు)
మూలం: ఆదిశంకరులు
అనువాదం: శ్యామశాస్ర్తీ
వెల: 300 - పుటలు: 500
ప్రతులకు
యుగాది పబ్లికేషన్స్
304, శ్రీ దుర్గా రాజీవ్ రెసిడెన్సీ
విజయపురి, తార్నాక
హైదరాబాద్ - 500 017
*

11/11/2019 - 22:59

ఇవాళ మనస్సు
అలలు లేని చెరువులా వుంది
ఖాళీ కుండలా
చీకటిగా వుంది

ఎవరైనా మిత్రుడ్ని రమ్మంటేనో
కాని మనస్సుకతడు కావాల్నో వద్దో!
నేనే ఎవరింటికైనా వెళ్లివస్తేనో
ఇదీ కష్టమే.
అక్కడ నా కోసం
అనుకూల పవనాలు వీస్తున్నాయో లేదో!
‘ఆయాయే ఆప్ కీ జరూరత్ హై’ అనే పాట
యూట్యూబ్‌లో మాయమైంది
మళ్లీ వెతికి తియ్యాలి.

Pages