S ,7 à 8 RSCA (si SASPAS) et 6 cialis pharmacie cialis rapports de stage.
నేర్చుకుందాం
కం నరకా! ఖండించెద మ
త్కర కాండాసన విముక్త ఘన శరముల భీ
కర కాయు నిన్ను సుర కి
న్నర కాంతలు సూచి నేడు నందం బొందన్
కం శంపాల తాభ బెడిదపు
టంపరఱచే ఘోర దానవానీకంబుల్
పంపఱి సన్నాహంబుల
సొంపఱి భూసుతుని వెనుక జొచ్చెన్ విచ్చెన్
భావం: ఈ విధంగా తటిల్లత వలె తళతళ మెరుస్తూ వున్న సత్యభామ ప్రయోగంగా బాణాలవల్ల రాక్షస సైన్యం శక్తిని కోల్పోయింది. యుద్ధంలో వెనుకంజ వేసి నరకాసురుని మరుగుజొచ్చింది.
హర్షదాయియై, మహారోషదాయియై
పరగు ముద్దరాలి బాణవృష్టి
హరికి నరికి జూడ నందంద శృంగార
వీర రసములోలి విస్తరిల్ల
శా జ్యావల్లీధ్వని గర్జనంబుగ, సురల్ సారంగ యూథంబుగా
నావిల్లింద్ర శరాసనమ్ముగ, నూ సరోజాక్షుండు మేఘంబుగా
దావిద్యుల్లత భంగి నింతి సురజిద్దావాగ్ని మగ్నంబుగా
బ్రావృట్కాలము నేసె బాణచయ మంభశ్శీకర శ్రేణిగాన్
మ. అలి నీలాలక చూడనొప్పెసగె బ్రత్యాలీఢ పాదంబుతో
నలిక స్వేద వికీర్ణకాలకలతో నాకర్ణికానీత స
ల్లలిత జ్యా నఖ పుంఖ దీధితులతో లక్ష్యావలోకంబుతో
వలయాకార ధనుర్విముక్త విశిఖా వ్రాతా హతారాతియై
మ పరుజూచున్ వరుజూచు నొంప నలరింపన్, రోషరాగోదయం
విరత భ్రూకుటి మందహాసములతో వీరంబు శృంగారమున్
జరగన్, గన్నుల గెంపు సొంపు బరగం జండాస్త్ర సందోహమున్
సరసాలోక సమూహమున్ నెఱపుచుం జంద్రాస్య హేలాగతిన్
కం: లేమా! దనుజుల గెలువగ
లేమా! నీవేల కడగి లేచితివిటురా
లేమాను మానవేనిన్
లే మావిల్లందికొనులు లీలం గేలన్
భావము: భామా! రాక్షసులను గెలువలేమా? నీవెందుకు యుద్ధానికి సిద్ధపడ్డావు? ఇలారా! యుద్ధ ప్రయత్నము మాను, మానదలచుకోకపోతే విలాసంగా ఇదుగో ఈ విల్లు అందుకో.
శా వేణిం జొల్లెము వెట్టి సంఘటిత నీవీ బంధయై భూషణ
శ్రేణిం దాల్చి మఖేందు మండల మరీచీజాలముల్ పర్వగా
బాణిం బయ్యెద జక్కగా దుఱిమి శుంభద్వీర సంరంభయై
యేణీలోచన లేచి నిల్చె దన ప్రాణేశాగ్ర భాగంబునన్
ఉ ఆ దనుజేంద్ర యోధ వివిధాయుధ సంఘము నెల్ల నుగ్రతన్
మేదిని గూలనేయుచు సమిద్ధ నిరర్గళ మార్గణాళిగ్ర
వ్యాద కులాంత కుండ సుర హస్త భుజాసన కంఠజాను జం
ఘాదుల ద్రుంచివైచె దిలలంతలు ఖండములై యిలంబడన్
కం దుర దుర బరువిడి బిరుసున
హరిహరి! నిలు నిలువు మనుచు నసురయు గదిసెన్
మురముర దివిజుల హృదయము
మెర మెరయిదె యడగ ననుచు మెఱసెన్ హరియున్
భావము: ముందుకు పరుగెత్తి గర్వంతో ‘నిలు! నిలు’ అంటూ ఆ రాక్షసుడు కృష్ణుని సమీపించాడు. శ్రీహరి కూడా దేవతల మనోవ్యధ ఈనాటితో తీరుతుందని భావించాడు.