దేవరకొండ, ఆగస్టు 3: మున్సిపల్ సిబ్బంది సహకారంతో పట్టణంలోని పఠాన్‌వాడీలో ఓ ఇంటిని కబ్జా చేసి అక్రమంగా రిజిస్ట్రేషన్ చేసిన కేసులో దేవరకొండకు చెందిన నలుగురు వ్యక్తులను శుక్రవారం కోర్టుకు హాజరుపర్చి రిమాండ్‌కు తరలించినట్లు సీఐ ఎంజీఎస్ రామకృష్ణ చెప్పారు. ఈ కేసులో మొత్తం నలుగురు మున్సిపల్ సిబ్బందితో సహా మొత్తం 10 మందిపై కేసు నమోదు చేయగా నలుగురిని అరెస్ట్ చేశామన్నారు.

ఒంగోలు, ఆగస్టు 3: జిల్లాలో మద్యం సేవించి వాహనాలు నడిపిన మొత్తం 46 మంది వాహన చోదకులకు కోర్టు జైలుశిక్ష విధించింది. అదేవిధంగా ఈ డ్రంక్ అండ్ డ్రైవ్ కేసులో మొత్తం 5లక్షల 62వేల 100 రూపాయలు కోర్టు జరిమానా విధించినట్లు ఒంగోలు ట్రాఫిక్ పోలీసు స్టేషన్ డిఎస్‌పి కె వేణుగోపాల్ శుక్రవారం తెలిపారు. జిల్లా వాసుల్లో కొందరు మద్యం సేవించి వాహనాలు నడిపి ప్రమాదాల పాలవుతున్నట్లు తెలిపారు.

వీపనగండ్ల, ఆగస్టు 3: మండలంలోని గోపల్‌దినె్న గ్రామంలో ప్రత్యేక అధికారిగా బాధ్యతలు స్వీకరిస్తున్న సమయంలో మతిస్థిమితం లేని వ్యక్తి తనకు పింఛన్ కావాలంటూ అడగడంతో పక్కనే ఉన్న టీ ఆర్ ఎస్ నాయకుడు తాజా మాజీ సర్పంచ్ భర్త కుర్మయ్య అతనిని తోసేయడంతో బలమైన గాయాలు అయ్యాయి. గ్రామస్థుల కథనం ప్రకారం గ్రామానికి చెందిన భాస్కర్‌గౌడ్ అనే వ్యక్తి మతిస్థిమితం లేక ఊరిలో తిరిగే వాడని గ్రామస్థులు తెలిపారు.

బేతంచెర్ల, ఆగస్టు 3: అభం శుభం తెలియని యువత ఆకర్షణకు లోనై ప్రేమలో పడ్డారు. ఆ తర్వాత కులాల పేరుతో తమ ప్రేమను పెద్దలు అంగీకరించరనే భయం, వత్తిడి నుంచి బయట పడలేక ఓ ప్రేమజంట గూడ్సు కింద పడి ఆత్మహత్య చేసుకున్న సంఘటన శుక్రవారం బేతంచెర్ల పట్టణం సమీపంలో చోటుచేసుకుంది. వివరాలు..