లక్నో, డిసెంబర్ 30: ఉత్తరప్రదేశ్ రాజధాని లక్నోలోని పాతబస్తీలో ఒక మదర్సాపై దాడి చేసి అందులోని 51 మంది బాలికలకు విముక్తి కలిగించారు. మదర్సాలో చదువు పేరిట విద్యార్థినిలపై లైంగిక వేధింపులకు పాల్పడుతున్నారన్న సమాచారం మేరకు శుక్రవారం రాత్రి పోలీసులు లక్నో పాతబస్తీలోని యాసిన్‌గంజ్ ప్రాంతంలో నిర్వహిస్తున్న జమై ఖదీజ్‌తుల్ కుబ్రా లిలాబ్‌నత్ మదర్సాపై దాడి చేశారు.

న్యూఢిల్లీ, డిసెంబర్ 30: వచ్చే ఎన్నికల్లో ఓట్లకోసమే ముఖ్యమంత్రి కె.చంద్రశేఖర్‌రావు బీసీలకు తాయిలాలు ప్రకటిస్తున్నారని కాంగ్రెస్ సీనియర్ నాయకుడు వి.హనుమంతరావు ఆరోపించారు. ఢిల్లీలో శనివారం హనుమంతరావు విలేఖరులతో మాట్లాడుతూ బీసీలను కులాల వారీగా విభజించి ఓట్లు కొల్లగొట్టే ప్రయత్నం మొదలు పెట్టారని, దీన్ని తెలంగాణ ప్రజలు గమనించాలని విజ్ఞప్తి చేశారు.

న్యూఢిల్లీ, డిసెంబర్ 29: తెలంగాణలో అతి పెద్ద జాతర సమ్మక్క- సారక్క జాతరను మరో కుంభమేళాగా గుర్తించేందుకు కృషి చేస్తానని కేంద్ర గిరిజన వ్యవహారాల శాఖ మంత్రి జుయేల్ ఓరాం వెల్లడించారు. శుక్రవారం ఆయన ఢిల్లీలో విలేఖరులతో మాట్లాడుతూ కోట్లాది మంది గిరిజనులు, భక్తులు హాజరయ్యే ఈ జాతర గురించి తెలంగాణ బీజేపీ నాయకులు తనకు వివరించినట్టు తెలిపారు.

న్యూఢిల్లీ, డిసెంబరు 29: రాజ్యసభలో వివిధ మంత్రిత్వా శాఖల, వివిధ కమిటీలకు సంబంధించిన పత్రాలను ప్రవేశపెట్టేటప్పుడు ‘ఐ బెగ్ టూ’ పదాన్ని ఉపయోగించవద్దని ఛైర్మన్ వెంకయ్యనాయుడు మరోసారి ఆదేశించారు. శుక్రవారం కేంద్ర న్యాయ కార్పొరైట్ వ్యవహరాల సహాయ మంత్రి పిపి చౌదరి తన మంత్రిత్వాశాఖకు సంబంధించిన పత్రాలను సభలో ప్రవేశపెట్టే సమయంలో ‘ఐ బెగ్ టూ’ అని పలికారు.