న్యూఢిల్లీ, అక్టోబర్ 2: ముక్త్యాల నుండి విజయవాడ వరకు గల కృష్ణా నదిని నాలుగో జాతీయ జలమార్గంగా అభివృద్ధి చేసేందుకు సంబంధించిన పథకానికి ఉపరాష్టప్రతి ఎం.వెంకయ్య నాయుడు మంగళవారం శంకుస్థాపన చేస్తారు. కేంద్ర జల వనరులు, రహదారులు, ఉపరితల రవాణా శాఖ మంత్రి నితిన్ గడ్కరీ ఈ సమావేశానికి ముఖ్యఅతిథిగా హాజరవుతున్నారు.

పాట్నా/ముజాఫర్‌పూర్, అక్టోబర్ 2: బిహార్‌లో ఓ బాలికపై సామూహిక అత్యాచారం చేసిన నలుగురు దాన్ని సెల్‌ఫోన్లో చిత్రించి సోషల్ మీడియాలో పోస్ట్‌చేశారు. ఈ ఘాతుకానికి పాల్పడిన నలుగురు యువకులతోపాటు మొత్తం ఏడుగురిపై కేసు నమోదు చేసినట్టు సీనియర్ పోలీసు అధికారి ఒకరు వెల్లడించారు. నలుగురు యువకులు అత్యాచారం చేయగా మిగతా ముగ్గురు వారికి సహకరించారని అన్నారు.

సేలం (తమిళనాడు), అక్టోబర్ 2: ప్రధాన మంత్రి నరేంద్ర మోదీ, తమిళనాడు ముఖ్యమంత్రి కె.పళనిస్వామిల ప్రతిష్టను దిగజార్చే అంశాలతో కూడిన కరపత్రాలను పంపిణీ చేసినందుకు ఎఐఎడిఎంకె నుంచి బహిష్కృతుడయిన టిటివి దినకరన్‌పై సోమవారం కేసు నమోదు అయింది. మాజీ ఎమ్మెల్యే వెంకటాచలం, ఎఐఎడిఎంకె స్థానిక నాయకుడు శరవనన్‌సహా దినకరన్ అనుచరులు పది మందిని పోలీసులు అరెస్టు చేశారు.

బెంగళూరు, అక్టోబర్ 2: ప్రధాని నరేంద్ర మోదీ సహా పలువురిపై ప్రముఖ నటుడు ప్రకాష్ రాజ్ పరుష వ్యాఖ్యలు చేశారు. జర్నలిస్టు గౌరీ లంకేష్ హత్యకు సంబంధించి తీవ్రంగా మాట్లాడిన ప్రకాష్ రాజ్ తనకొచ్చిన ఐదు జాతీయ అవార్డుల గురించి ప్రస్తావిస్తూ ‘వీటికి ప్రధాని మోదీ సహా అర్హులైన పెద్ద నటులే ఉన్నారు. ఈ అవార్డులను నేను వారికి ఇచ్చేయాలా?’ అని అన్నారు.