న్యూఢిల్లీ, జూన్ 2: ప్రస్తుతం కాంగ్రెస్ ఉపాధ్యక్షుడుగా ఉన్న రాహుల్ గాంధీని త్వరలోనే పార్టీ అధ్యక్షుడిగా నియమించవచ్చన్న ఊహాగానాలు బలంగా వినిపిస్తున్న తరుణంలో కేంద్ర మానవ వనరుల శాఖ మంత్రి స్మృతి ఇరానీ రాహుల్‌పై వ్యంగ్య బాణాలు విసిరారు. ‘రాహుల్ గాంధీని కాంగ్రెస్ అధ్యక్షుడ్ని చేయడం అంటే బిజెపికి ‘అచ్ఛేదిన్’(మంచిరోజులు) రావడమే’అని ఒక ఇంగ్లీషు దినపత్రికకు ఇచ్చిన ఇంటర్వ్యూలో ఆమె అన్నారు.

అహ్మదాబాద్, జూన్ 2: పధ్నాలుగేళ్ల క్రితం గుజరాత్‌లో నాటి కాంగ్రెస్ ఎంపీ ఇషాన్ జాఫ్రీ సహా 69మందిని కిరాతకంగా ఊచకోత కోసిన గుల్బర్గ్ సొసైటీ కేసులో 24 మందికి శిక్ష పడింది. అహ్మదాబాద్‌లోని ప్రత్యేక కోర్టు ఈ కేసులో గురువారం తీర్పు చెప్పింది. ప్రత్యేక కోర్టు న్యాయమూర్తి పిబి దేశాయ్ ఈ కేసులో తీర్పు చెప్తూ బీజేపీ సిట్టింగ్ కార్పొరేటర్ బిపిన్ పటేల్ సహా 36మందిని నిర్దోషులుగా విడుదల చేశారు.

న్యూదిల్లి:కాంగ్రెస్ ఉపాధ్యక్షుడు రాహుల్‌గాంధీకి ఢిల్లీ మాజీ ముఖ్యమంత్రి, సీనియర్ నాయకురాలు షీలాదీక్షిత్ మద్దతు తెలిపారు. సోనియా స్థానంలో రాహుల్‌కు పార్టీ పగ్గాలు ఇవ్వాలని ఆమె సూచించారు. రాహుల్ బృందంలో యువనేతలకు స్థానం కల్పించేదుకు పార్టీలోని సీనియర్లు వివిధ బాధ్యతలనుంచి తప్పుకునేందుకు సిద్ధంగా ఉన్నారని ఆమె స్పష్టం చేశారు.

ముంబై:ఆర్థిక రాజధాని ముంబైలోని అత్యంత రద్దీ ప్రాంతమైన కొలాబాలో భారీ అగ్నిప్రమాదం సంభవించింది. గురువారం మధ్యాహ్నం రీగల్ సినిమా సమీపంలోని బహుళ అంతస్తుల భవనంలో మంటలు చెలరేగాయి. మంటల్లో చిక్కుకున్న ముగ్గురిని రక్షించారు. 12 ఫైరింజన్లతో మంటలను అదుపులోకి తీసుకువచ్చేందుకు ఫైర్‌మెన్ పనిచేస్తున్నారు.