ముంబయి: మహరాష్ట్రలోని పుల్గావ్‌లో ఆర్మీ ఆయుధాగారంలో అగ్నిప్రమాదం వల్ల జరిగిన ప్రాణ నష్టానికి కేంద్రానిదే బాధ్యత అని శివసేన ప్రభుత్వంపై మండిపడింది. దీని వెనుక విద్రోహ చర్య ఉందనే అనుమానాలు వస్తున్నాయని వెల్లడించింది. దేశ భద్రతకు సంబంధించిన అంశంపై కేంద్రం బాధ్యతారహితంగా ప్రవర్తించడం సిగ్గుచేటు అని శివసేన తమ పత్రిక సామ్నాలో వెల్లడించింది.

జమ్ము: నరేంద్ర మోదీ మరో 15 ఏళ్లపాటు ప్రధానిగా కొనసాగుతారని, ఈ విషయంలో కాంగ్రెస్ వారికి ఎలాంటి అనుమానాలు అక్కర్లేదని కేంద్ర మంత్రి రాంవిలాస్ పాశ్వాన్ బుధవారం జమ్ములో మీడియాతో మాట్లాడుతూ చెప్పారు. మోదీ ప్రధానిలా కాకుండా ఈ దేశానికి చక్రవర్తిలా ప్రవర్తిస్తున్నారంటూ కాంగ్రెస్ అధినేత్రి సోనియా గాంధీ చేసిన విమర్శలను ప్రస్తావిస్తూ పాశ్వాన్ ఈ విధంగా స్పందించారు.

చెన్నై: వరసగా రెండోసారి అధికార పగ్గాలు చేపట్టాక తమిళనాడు ముఖ్యమంత్రి జయలలిత ప్రజల సమస్యలపై లేఖలు సంధించడం ప్రారంభించారు. తాజాగా పెంచిన పెట్రోలు, డీజిల్, వంటగ్యాస్ ధరలను తగ్గించాలంటూ ఆమె ప్రధాని నరేంద్ర మోదీకి బుధవారం లేఖ రాశారు.

ముంబయి: మహారాష్టల్రోని వార్ధా జిల్లా పుల్గావ్ వద్ద ఆర్మీ ఆయుధాగారంలో అగ్నిప్రమాదంలో మృతుల సంఖ్య 18కి చేరింది. సోమవారం రాత్రి మంటలు వ్యాపించడతో 16 మంది మరణించారని అధికారులు ప్రకటించారు. బుధవారం ఉదయం సంఘటన ప్రాంతంలో మరో రెండు మృతదేహాలు లభించాయి. ఈ ప్రమాదంలో ఇద్దరు ఆర్మీ అధికారులతో పాటు 16 మంది సైనిక సిబ్బంది ప్రాణాలు కోల్పోయారు.