న్యూఢిల్లీ, డిసెంబర్ 8: దేశాభివృద్ధిలో ప్రవాస భారతీయ యువత భాగస్వామలు కావాలని కేంద్ర మంత్రి కిరెన్ రిజిజు పిలుపునిచ్చారు. భారత్ విదేశాలకు రాయబారుల్లా పనిచేసి అభివృద్ధికి పాటుపడాలని ఆయన విజ్ఞప్తి చేశారు. ఎనిమిది దేశాలకు చెందిన 40 మంది భారత సంతితి యువతతో శనివారం ఆయన సమావేశమయ్యారు. ఏ దేశంలో ఉంటున్నా మాతృభూమిని మరచిపోవద్దని ఆయన హితవుచెప్పారు.

రాంచీ, డిసెంబర్ 8: లోక్‌తాంత్రిక్ జనతాదళ్ అధ్యక్షుడు, మాజీ రాజ్యసభ సభ్యుడు శరద్ యాదవ్ ఇటీవల ఎన్నికల ప్రచారంలో రాజస్థాన్ ముఖ్యమంత్రి వసుంధర రాజేపై చేసిన వ్యాఖ్యల పట్ల విచారం వ్యక్తం చేశారు. వివిధ వర్గాల నుంచి విమర్శలు వెల్లువెత్తిన నేపథ్యంలో ఈ విషయంపై తన విచారాన్ని వ్యక్తం చేస్తూ ఆమెకు లేఖ రాస్తానని ఆయన శనివారం చెప్పారు.

న్యూఢిల్లీ, డిసెంబర్ 8: దేశ రాజధానిలోని టీటీడీ దేవస్థానం బాలాజీ మందిర్‌లో జ్ఞానప్రసూనాంబ సమేత శ్రీ కాళహస్తీశ్వర స్వామివార్ల కళ్యాణోత్సవం, రుద్రాభిషేకం శనివారం ఘనంగా నిర్వహించారు. ఆంధ్రప్రదేశ్ ప్రభుత్వం, శ్రీకాళహస్తీశ్వర దేవస్థానం ఆధ్వర్యంలో శనివారం ఉదయం రుద్రాభిషేకం, సాయంత్రం శ్రీ జ్ఞానప్రసూనాంబ సమేత శ్రీ కాళహస్తీశ్వర స్వామివార్ల కళ్యాణోత్సవం ఘనంగా జరిగింది.

న్యూఢిల్లీ, డిసెంబర్ 8: అయోధ్యలో రామాలయం నిర్మాణానికి కేంద్రం లేదా ఉత్తరప్రదేశ్ ప్రభుత్వం వ్యతిరేకిస్తే ప్రభుత్వాన్ని పడగొట్టేందుకు వెనకాడబోనని బీజేపీ సీనియర్ నేత సుబ్రహ్మణ్యస్వామి ప్రకటించారు. రామాలయ నిర్మాణం అంశాన్ని జనవరిలో లిస్టు చేస్తే, రెండు వారాల్లో విచారణ పూర్తయి గెలుస్తాం. తన పిటిషన్‌ను కేంద్రం, ఉత్తరప్రదేశ్ ప్రభుత్వాలు వ్యతిరేకిస్తున్నాయని, అది సబబు కాదని అన్నారు.