బిజెపికి వెలంపల్లి గుడ్బై!
Published Sunday, 11 December 2016పాతబస్తీ, డిసెంబర్ 10: మాజీ ఎమ్మెల్యే వెలంపల్లి శ్రీనివాస్ బిజెపికి రాజీనామా చేసి ఈ నెల 13, లేదా వచ్చే జనవరి 26న అధికారికంగా వైఎస్సార్ కాంగ్రెస్ పార్టీలో చేరనున్నారని విశ్వసనీయంగా తెలిసింది. 2009లో సినీహీరో చిరంజీవి పార్టీ ప్రజారాజ్యం తరఫున ఆయన పశ్చిమ నియోజకవర్గంలో పోటీ చేసి విజయం సాధించారు. తరువాత చిరంజీవి పార్టీని కాంగ్రెస్లో విలీనం చేయటంతో వెలంపల్లి కాంగ్రెస్ ఎమ్మెల్యేగా కొనసాగారు. 2014లో ఆఖరి నిమిషంలో బిజెపిలో చేరారు. తెలుగుదేశం పార్టీ నుంచి తగిన మద్దతు లభించక పోవటంతో ఆయన ఓటమిపాలయ్యారు. అంతకుముందు టిడిపిలోకి రావడానికి యత్నించినా అసెంబ్లీ సీటు గ్యారంటీ లేక బిజెపిలో చేరారు.