పెట్టుబడులకు తెలంగాణ బెస్ట్
Published Friday, 5 August 2016హైదరాబాద్, ఆగస్టు 4: ఇప్పటివరకు దేశంలో తాము పర్యటించిన రాష్ట్రాలకన్నా తెలంగాణలోనే పరిశ్రమలు, పెట్టుబడులకు అనువైన వాతావరణం ఉందని యునైటెడ్ కింగ్డమ్ బిజినెస్ ఇన్నోవేషన్ అండ్ స్కిల్స్ ప్రతినిధి బృందం అభిప్రాయపడింది. ఈ బృందం ఐటి పరిశ్రమల శాఖ మంత్రి కె తారక రామారావును గురువారం కలిసింది. భారత దేశంలోని ‘ఈజ్ ఆఫ్ డూయింగ్ బిజినెస్’ అంశాన్ని పరిశీలించేందుకు ఈ బృందం దేశంలోని పలు రాష్ట్రాల్లో ఆయా ప్రభుత్వాలతో భేటీ అవుతోంది. ఇందులో భాగంగా హైదరాబాద్ విచ్చేసిన బృందం ఇప్పటివరకు తాము సందర్శించిన రాష్ట్రాలకన్నా తెలంగాణలోనే మంచి వాతావరణం ఉందని స్పష్టం చేసింది.