స్వయం సమృద్ధ గ్రామ వ్యవస్థను పునరుద్ధరించడానికి దేశవ్యాప్తంగా అనేక ప్రయోగాలు జరుగుతున్నాయి. కొన్ని విజయవంతం అవుతుండడం నడుస్తున్న చరిత్ర. కేరళ రాష్ట్రంలోని పాలక్కాడ్ ప్రాంతంలో అలతూరు మండలం ఇలాంటి విజయ విశ్వాసాలకు మరో ప్రతీక. ఎనిమిది గ్రామ పంచాయతీల సముదాయమైన ఈ మండల పంచాయతీలోని మొత్తం కూరగాయలు, పండ్లు సేంద్రియ సంప్రదాయ పద్ధతిలో పండిస్తుండడం వినూతన హరిత విప్లవం.

నరేంద్రమోదీ నవాజ్ షరీఫ్ జన్మదిన మహోత్సవానికి హాజరు కావడం నాటకీయతకు పరాకాష్ఠ. భారత ప్రధానమంత్రి జరిపిన రష్యా పర్యటన ప్రాధాన్యానికి గ్రహణం పట్టించిన ఘటన ఇది. రష్యా రాజధాని మాస్కోలో మన ప్రధానమంత్రి ఆ దేశ అధ్యక్షుడు వ్లాదిమిర్ పుతిన్‌తో గురువారం జరిపిన చర్చల విశేషాలను లాహోర్ విమానాశ్రయంలో మన ప్రధాని నరేంద్ర మోదీ పాకిస్తాన్ ప్రధాని నవాజ్ షరీఫ్‌తో కరచాలనం చేసిన దృశ్యం మింగేసింది.

పార్లమెంటులో ఏమి జరుగుతుంది? అన్న ప్రశ్నకు సమాధానం ‘గొడవ’...గొడవ జరగని సమయంలో పార్లమెంటు సభలు ఖాళీగా ఉండడం పరిపాటి! పనివేళలలో పార్లమెంటులో లేని ప్రజాప్రతినిధులు నియోజకవర్గం అభివృద్ధికోసం ప్రభుత్వ కార్యాలయాలలో ఉంటున్నారట! ఇలా ఢిల్లీలో ‘ప్రతినిధులు’ ఉండవలసిన సమయంలో ఉండవలసిన చోట ఉండకపోవడం మన పార్లమెంటరీ ప్రజాస్వామ్య సంప్రదాయం అయిపోయింది!

అంతర్గతంగా మన ప్రభుత్వాలు, క్రీస్తుశకం 1994 నుంచి, సంపన్న దేశాల ప్రయోజనాలను పెంపొందించడానికి వీలైన ఆర్థిక నీతిని అవలంబిస్తున్నాయి. సంపన్న దేశాల ఆర్థిక దురాక్రమణను అంతర్జాతీయ వేదికలపై నిరోధించడానికి మన ప్రభుత్వాలు యత్నిస్తుండడం సమాంతర పరిణామం. ఈ రెండు సమాంతర ప్రక్రియలు పరస్పరం వైరుధ్యాలుగా కొనసాగుతుండడం ఇటీవల ముగిసిన ప్రపంచ వాణిజ్య సంస్థ సదస్సులో మన వైఫల్యానికి నేపథ్యం.