హైదరాబాద్, డిసెంబర్ 18: కాళేశ్వరం ప్రాజెక్టుకు మొదటి, రెండవ దశకు ఇప్పటికే అటవీశాఖ అనుమతి లభించగా అతి కీలకమైన పర్యావరణ అనుమతి కూడా సోమవారం లభించింది. ప్రాజెక్టు నిర్మాణం వల్ల పర్యావరణానికి ఎలాంటి ముప్పు వాటిల్లడం లేదని ప్రాజెక్టుల ఎక్స్‌పర్ట్ అప్రైజల్ కమిటీ (ఇఎసి) సోమవారం స్పష్టం చేస్తూ పర్యావరణ అనుమతిని జారీ చేసింది. ఇది తెలంగాణ ప్రజలకు గొప్ప శుభవార్త అని ముఖ్యమంత్రి హర్షం వ్యక్తం చేసారు.

హైదరాబాద్, డిసెంబర్ 18: శతక, సంకీర్తనా, గేయ సాహిత్యం రసరమ్యమైనదని ఆచార్య కసిరెడ్డి వెంకటరెడ్డి పేర్కొన్నారు. తెలంగాణలో శతకాలకు, సంకీర్తనలకు, గేయసాహిత్యానికి కొరత లేదని పేర్కొన్నారు. తెలుగు విశ్వవిద్యాలయం బిరుదురాజు రామరాజు ప్రాంగణం సామల సదాశివ వేదికపై శతక సంకీర్తనా, గేయ సాహిత్యం అంశంపై జరిగిన చర్చా గోష్టిలో దేవాదాయ మంత్రి సి ఇంద్రకరణ్‌రెడ్డి మాట్లాడారు.

ధర్మవరం, డిసెంబర్ 18: రాష్ట్రంలో రాజన్న రాజ్యం తెచ్చి ప్రజలను కష్టాల కడలి నుంచి గట్టెక్కిస్తామని వైసీపీ అధినేత జగన్మోహన్‌రెడ్డి హామీ ఇచ్చారు. ప్రజా సంకల్పయాత్ర 38వ రోజు సోమవారం అనంతపురం జిల్లా ధర్మవరం మండలంలో కొనసాగింది. నడిమిగడ్డపల్లి క్రాస్‌నుంచి బిల్వంపల్లి, నేలకోటతండా, నేలకోట గ్రామాల్లో మహిళలు జగన్‌ను చుట్టుముట్టి సమస్యలు విన్నవించారు.

హైదరాబాద్, డిసెంబర్ 18: ప్రముఖ సంస్కృత పండితురాలు డాక్టర్ ముదిగొండ ఉమాదేవి (71) సోమవారం రాత్రి హైదరాబాద్‌లోని ఒక ప్రైవేటు ఆస్పత్రిలో కన్నుమూశారు. డాక్టర్ ఉమాదేవి ప్రముఖ రచయిత, చారిత్రక నవలా చక్రవర్తి ప్రొఫెసర్ ముదిగొండ శివప్రసాద్ సతీమణి. ఎన్నో పుస్తకాలు, ఉపనిషత్‌లు, సంస్కృత కావ్యాలను ఉమాదేవి రాశారు.