హైదరాబాద్, అక్టోబర్ 20: శీతాకాల అసెంబ్లీ సమావేశాల్లో ప్రతిపక్షాలపై ఎదురుదాడికి తెరాస సన్నహాలు మొదలెట్టింది. అదే సమయంలో సంక్షేమ పథకాలు, సాగునీటి ప్రాజెక్టులను ప్రజలకు కూలంకషంగా వివరించేందుకు ప్రభుత్వం సమాయత్తమవుతోంది. ఈనెల 27 నుంచి అసెంబ్లీ సమావేశాలు ప్రారంభం కానున్నాయి.

అమరావతి, అక్టోబర్ 20: అమెరికా పర్యటనలో భాగంగా ముఖ్యమంత్రి చంద్రబాబునాయుడు శుక్రవారం న్యూయార్క్ చేరుకున్నారు. అయోవా నుంచి న్యూయార్క్ చేరుకున్న ఆయన బృందానికి ఘన స్వాగతం లభించింది. తెలుగువారు బాబు బృందానికి స్వాగతం పలికారు. తర్వాత బ్యాంక్ ఆఫ్ అమెరికా టవర్స్‌లో ఏర్పాటుచేసిన రౌండ్‌టేబుల్ సమావేశంలో చంద్రబాబు ప్రసంగించారు.

అమరావతి, అక్టోబర్ 20: ఎట్టిపరిస్థితుల్లోనూ పోలవరం ప్రాజెక్టు నిర్మాణాన్ని ఆపే ప్రసక్తిలేదని ఇరిగేషన్ మంత్రి దేవినేని ఉమామహేశ్వర రావు స్పష్టం చేశారు. ఈ విషయంలో తమ ఆందోళనలు తీరేవరకూ ఈ బహుళార్థక నీటి పారుదల ప్రాజెక్టును నిలిపివేయాలంటూ ఒడిశా చేస్తున్న అభ్యర్థనను తాము పట్టించుకునేది లేదన్న సంకేతాలను ఆయన అందించారు.

గంగాధర, అక్టోబర్ 20: ప్రభుత్వ మోడల్ స్కూల్లో చదువుతున్న విద్యార్థినిని ప్రేమ పేరుతో ఉన్మాది వేధింపులకు గురి చేయడంతో ఒంటిపై కిరోసిన్ పోసుకొని ఆత్మహత్య చేసుకున్న సంఘటన గంగాధర మండలంలోని సర్వారెడ్డిపల్లిలో విషాదాన్ని నింపింది. కరీంనగర్ జిల్లా సర్వారెడ్డిపల్లి గ్రామ శివారు నర్సింహులపల్లి గ్రామానికి చెందిన తూడి రచన (19) గంగాధర మోడల్ స్కూల్‌లో ఇంటర్ చదువుతోంది.