హైదరాబాద్, అక్టోబర్ 22: తెలంగాణలో అర్హులైన పేదలకు డబుల్ బెడ్‌రూం ఇళ్లు నిర్మించి ఇవ్వాలన్న కెసిఆర్ కల కార్యరూపంలో పరుగందుకుంది. పేదల ఇళ్ల నిర్మాణంలో దేశానికే ఆదర్శంగా నిలిచిన రాష్ట్రంలో గత ఏడాది సెప్టెంబర్ నుంచి ఈ ఏడాది సెప్టెంబర్ వరకు 2బిహెచ్‌కెలపై ప్రభుత్వం పెట్టిన ఖర్చు 14 రెట్లు పెరిగి, 378.48 కోట్ల నుంచి రూ.529.84 కోట్లకు చేరింది.

వరంగల్, అక్టోబర్ 22: ఎన్ని ఇబ్బందులు ఎదురైనా, రాష్ట్రంలో సకాలంలో పంచాయతీ ఎన్నికలు నిర్వహిస్తామని ముఖ్యమంత్రి కెసిఆర్ ప్రకటించారు. ఐదువందల జనాభా ఉన్న ప్రతి గిరిజన తండా, చెంచుగూడెం, ఆదివాసీ ప్రాంతాలు, శివారు గ్రామాలను పంచాయతీలుగా మారుస్తామని పునరుద్ఘాటించారు. కేబినెట్ సమావేశంలో ఈమేరకు నిర్ణయం తీసుకుంటామని, అసెంబ్లీ సమావేశాల్లోనే చట్టం చేస్తామని హామీ ఇచ్చారు.

విజయవాడ, అక్టోబర్ 22: విద్యుత్ చౌర్యరహిత రాష్ట్రంగా ఏపీని రూపొందించేందుకు కార్యాచరణ ప్రణాళిక సిద్ధం చేయాలని ఇంధన మంత్రి కళా వెంకటరావు అధికారులను ఆదేశించారు. వివిధ సమస్యలను పరిష్కరించేందుకు త్రిముఖ వ్యూహం అమలుకు, ‘మీ వినియోగదారులను కలవండి’ కార్యక్రమం ప్రారంభానికి నిర్ణయించినట్లు వెల్లడించారు. ఇంధన రంగానికి చెందిన వివిధ విభాగాల అధికారులతో విజయవాడ నుంచి ఆదివారం ఆయన టెలికాన్ఫరెన్స్ నిర్వహించారు.

పాల్వంచ, అక్టోబర్ 22: భద్రాద్రి కొత్తగూడెం జిల్లా పాల్వంచలోని కెటిపిఎస్ పాత ప్లాంట్ కర్మాగారంలో 8 యూనిట్లను త్వరలో మూసివేయనున్నారు. కేంద్ర ప్రభుత్వ సూచన మేరకు 30 సంవత్సరాలు నిండిన విద్యుత్ ఉత్పత్తి కేంద్రాలు మూసివేసేందుకు అనుమతివ్వాలని టిఎస్ జెన్కో ఇటీవల ప్రభుత్వాన్ని కోరింది. ఈ ప్రకారం కెటిపిఎస్ పాత ప్లాంట్‌లో 720 మెగావాట్ల సామర్థ్యం కలిగిన 8 యూనిట్లు 30 ఏళ్లు నిండిన జాబితాలో చేరాయి.