పుట్టపర్తి, ఆగస్టు 11: న్యాయవ్యవస్థ మానవతా విలువలతో ముడిపడి ఉందని సుప్రీం కోర్టు ప్రధాన న్యాయమూర్తి దీపక్‌మిశ్రా పేర్కొన్నారు. సమాజాన్ని గాడిలో పెట్టేది ధర్మమేనన్నారు. మానవ మనుగడకు విలువలు, ధర్మం పట్టుకొమ్మల్లాంటివన్నారు. అనంతపురం జిల్లా పుట్టపర్తిలోని ప్రశాంతి నిలయంలో నైతిక విలువలు, న్యాయానుసార ప్రపంచం అంశంపై రెండు రోజుల పాటు జరిగే జాతీయ న్యాయసదస్సు శనివారం ప్రారంభమైంది.

హైదరాబాద్, ఆగస్టు 11: తెలంగాణలోని చాలా జిల్లాల్లో వచ్చే 24 గంటల్లో ఒక మోస్తరు నుండి భారీ వర్షాలు కురిసే అవకాశం ఉందని భారత వాతావరణ శాఖ, హైదరాబాద్ కేంద్రం ప్రకటించింది.

హైదరాబాద్, ఆగస్టు 11: జ్యోతిష శాస్త్ర వైభవాన్ని, విశిష్టతను సమాజానికి తెలియచేయడానికి, జ్యోతిష, ఆగమ, ఆలయ, ధర్మసంబంధమైన అంశాలపై ప్రజల్లో అవగాహన కల్పించడంతో పాటు వచ్చే శ్రీ వికారి నామ సంవత్సరం పండగలను నిర్ణయించి, ఆ జాబితాను ప్రభుత్వానికి అందించేందుకు వీలుగా ఈ నెల 13, 14 తేదీల్లో హైదరాబాద్‌లోని రవీంద్ర భారతి వేదికగా జ్యోతిష మహాసభలు నిర్వహిస్తున్నారు.

హైదరాబాద్: టీఆర్‌ఎస్ అధికారం చేపట్టిన తర్వాత అణచి వేతలు మినహా ప్రభుత్వం చేసింది, సాధించింది శూన్యమని సీఎల్‌పీ కే. జానారెడ్డి ఆగ్రహం వ్యక్తం చేశారు. ఈ నెల 13, 14 తేదీల్లో ఏఐసీసీ అధ్యక్షుడు రాహుల్ గాంధీ హైదరాబాద్, రంగారెడ్డి జిల్లాల్లో పర్యటించనున్న నేపథ్యంలో సీఎల్‌పీ సమావేశమై చర్చించింది.